środa, 1 marca 2017

Ewangelijo po Ślonsku #23

Podle Mateusza:

Pon Jezus pedzieli dlo swojich uczniow:

Dejcie pozor, cobyście roztomajtych pobożności niy łonaczyli skuli ludziow, coby wos kwolyli, bo mogecie ło mały figel niy erbnonć tego, co wosz Łojciec w niebie dlo wos narychtowoł.

Jak dowosz fechciokowi złotek pod kościołym abo kaj indzij, niy tromb ło tym wszyjskim, jak łoszkliwce, coby ich ludzie kwolyli. Dyć wom godom: ci już swoj geltag wziynli. Ty, jak kcesz biydokowi pomoc, niych twoja lewica niy wiy, co łonaczy prawica i wszyjsko zrob po cichu, bez szumu. A Łojciec twoj, kery wszyjsko wiy, do ci curik.

Jak rzykocie, niy bydźcie jak łoszkliwce. Ja, łoni to się aszom swojim rzykaniym we kościołach, na pońciach i kaj bądź, coby wszyjske widzieli. Dyć wom godom: ci już swoj geltag wziynli. Ty, jak kcesz porzykać, zawrzyj się u sia w izbie i rzykej do twojego Łojca, kerego przeca tyż niy widać. A Łojciec twoj, kery wszyjsko wiy, do ci curik.

Jak wos weźnie na poszczynie, niy bydźcie niyherske jak łoszkliwce. Robiom się łoni łokorano mina, coby wszyjske widzieli jake s nich pokutniki. Dyć wom godom: ci już swoj geltag wziynli. Ty, jak pościsz, umyj się gymba, zrob sie gryfny friz, coby żodyn niy mog się spokopić, że postujesz. A Łojciec twoj, kery wszyjsko wiy, do ci curik.


S Panym Bogiym



Brak komentarzy:

Prześlij komentarz

Etykiety

zdjęcia (938) wiara (542) podróże (404) polityka (312) rodzina (267) Pismo Św. (261) Śląsk (209) humor (200) po ślonsku (178) historia (166) Kościół (154) praca (138) człowiek (132) sprawy społeczne (118) Halemba (116) zabytki (113) muzyka (78) książka (74) gospodarka (72) ogród (68) Ruda Śląska (67) Grupa Poniedziałek (66) filozofia (64) Jan Paweł II (59) sport (55) dziennikarstwo (43) miłosierdzie (40) biurokracja (38) film (31) święci (29) muzeum (27) środowisko (26) varia (23) Papież Franciszek (21) Szafarz (18) teatr (15) św. Jacek (14)