Podle Mateusza:
Jak Jon posłyszoł w hereszcie, co łonaczy Chrystus, posłoł swoich uczniow, coby spytali: Czy Tyś jes Tyn, kery mo prziś, czy tyż momy czekać na inkszego? Jezus im pedzieli: Idźcie curik i wygodejcie sie z tego co sam słyszycie i na co gaftocie: ślepi nazod widzom, kulawe chodzom, tryndowaci som czyste, gusi słyszom, umarloki stowajom żywe, biydnym głosi sie Ewangelio. A bogosławiony je tyn, co wy Mie niy niydowierzo.
Jak łoni szli nazod, Jezus zaczon godac do wszyjskich ło Jonie. Coście prziszli łobejrzeć na pustkowiu? Badyl, co sie huśto skuli wiatru? Ale richtik coście kcieli łoboczyć? Człeka w miyntke szaty łobleczonego? Na zomku kroleskim som te, co sie noszom w miyntkich szatach. Po coście przyjszli? Proroka łoboczoć? Ja, jo wom godom, nawet wiyncyj niż proroka. Łon je tyn, ło kerym stoi napisane: Dyć Jo posyłom umyślnego przed Tobom, coby Ci narychtowoł pońć. Po prowdzie godom: Niy ma wiynkszego łod Jona Krzciciela, kerego mamulka powioła. Eli nojmniyjszy we krolestwie niybieskim je wiynkszy niźli łon.
Łostońcie z Bogiym
Brak komentarzy:
Prześlij komentarz