Podle Łukasza:
Kej wyjszło zarzondzynie Cysorza Augusta, coby porachować ludziow na cołkim świecie. Piyrszy roz sie to dzioło, jak ołbrym we Syryji boł Kwiryniusz. Szli bez toż wszyjscy, coby sie zapisać, kożdy do swojigo miasta.
Szoł tyż i Jozik ze Galileje, ze miasta Nazryt, do Judeji, do miasta Dawidowego zwonego Betlejym, bes toż, że boł z doma i z rodu Dawida, coby sie dać zapisać cuzamyn ze swojom ślubnom Maryjkom, kero sie spodziywała.
Kiej tam byli, prziszoł na Maryjka czas. Urodzioła piyrszego Synka, zawinoła Go w bambetle i położyła Go we żłobku, bo niy znod sie dlo nich plac we gospodzie.
Kajsik tam wele nich, w polu byli pastyrze, kerzy wachowali po nocy swojich łowcy. Łoroz znoloz sie przi nich Janioł Pański i chwała Pańsko ich łoślepioła tak, że zlynkli sie niy na żarty. I pedzioł jim Janioł: Niy strachejcie sie chopy! Dyć wom łogłaszom wielgo radość, kerom ucieszy sie cołki narod: dzisiej we mieście Dawida urodzioł sie wosz Zbawiciel, kery je Mesyjaszym. A to bydzie dlo wos znok: znojdziecie Bajtlika zawiniyntego w pieluchy i leżoncego we żłobku.
I łoroz przyłączyło sie do Janioła siła niybieskich zastympów, kere wielbioły Pon Bóczka śpiywkom:
Chwała Pon Bóczkowi na wysokościach, a na ziymi pokoj ludziom, kerym festelnie pszaje.
Łostońcie z Bogiym
Brak komentarzy:
Prześlij komentarz