niedziela, 19 lutego 2017

Ewangelijo po Ślonsku #21

Podle Mateusza:

Jezus pedzieli dlo swojich uczniow:
Słyszeliście, że pedziano: "Łoko za łoko a zomb za zomb". A Jo wom godom: Niy sztrabujcie zła: jak cie fto piźnie w papel z prawyj, nastow sie z lewyj. Tymu, kery chce sie s tobom prawować ło twoj szaket, dej mu tyż mantel. Ftoś ci koże iś z nim tauzyn krokow, maszyruj dwa tauzyny. Dej tymu, co prziszoł po prośbie i niy wyciepuj tego, co kce wzionć łod ciebie na borg.

Słyszeliście że pedziano: "Bydziesz pszoł swojymu bliźniymu", a niypszijociela bydziesz niynowidzioł.

A Jo wom godom: Pszejcie woszym niyprzyjocielom i rzykejcie za tych, co wom robiom naskwol, cobyście prziszli do tego, że bydziecie synkami waszego Łojca,, kery je w niebie. Dyś Łon łonaczy, że klara blyndzi na złych, a na dobrych tyż, i Łon wyłonaczuje dyszcz na sprowiedliwych i niysprowiedliwych.

Jak pszajecie ino tym, kerzy wom pszajom, jakigo geltu sie za to spodziywocie? Dyć i chachory tak robiom. I juzaś, jak piyknie sie kłoniocie ino dlo swojich, toż to nic na dziw. Dyć i pogany tak samo łonaczom.


Bydźcie zaś wy take perfekt, jak perfekt je wasz Łojciec niybieski.



S Panym Bogiym








Brak komentarzy:

Prześlij komentarz

Etykiety

zdjęcia (934) wiara (542) podróże (401) polityka (311) rodzina (267) Pismo Św. (260) Śląsk (209) humor (200) po ślonsku (177) historia (166) Kościół (154) praca (138) człowiek (132) sprawy społeczne (118) Halemba (116) zabytki (113) muzyka (78) książka (74) gospodarka (71) ogród (68) Ruda Śląska (67) Grupa Poniedziałek (66) filozofia (63) Jan Paweł II (58) sport (55) dziennikarstwo (43) miłosierdzie (40) biurokracja (38) film (31) święci (29) muzeum (27) środowisko (26) varia (23) Papież Franciszek (21) Szafarz (18) teatr (15) św. Jacek (15)