sobota, 25 lutego 2017

Ślonzok w Świyntyj Ziymi

Dyć to już som dwa roki, jak jo boł we Izraelu. Godom Wom, tam je choby u nos na Ślonsku.

Jak my jechali nad Jordan, kaj Jon krzcioł Jezusa, to jo myśloł, że ta rzyka bydzie wielko i głymboko, choby Wisła pod Toruniym, a sie łokozało, że Jordan bardzij przipomino nasza Kłodnica na Halymbie.

Jordan

Kajsik tam kole Morza Martwego, jak żech sie łobrocioł do zadku, to mog żech podziwiać take widoki:

Pustynia nad Morzem Martwym

Powiydzcie sami, dyć to wyglondo, jak nasze ślonske hołdy ino trocha we bladym kolorze. Możno i wonglo sam niy majom, ale hołdy, jak sie patrzy.

Potym my trefyli do Jerozolimy. Te nojsławniejsze landszafty ze Świyntego Miasta wszysjcy znajom, ale łoboczcie sie tyż tako fotka:

Jerozolima
Dyć te bloki na zadku wyglondajom blank tak samo, jak na Tauzynie we Katowicach. (Ja, to je śniyg, bo jak jo trefioł do Jerozolimy, to ekstra prawie śniyg slecioł, co bych sie czuł, jak u sia w doma.)

Jak my wleźli rain do Miasta, to boły take place, że człek sie czuł, jak na Wiyrku na torgu. No bliknijcie sie sami:

Sztandy

Ale wiycie co, nojważniejsze to je to, że tam we Jerozolimie Pon Bóczek je blank taki som, jak u nos.

Golgota

Godom Wom w Izrealu je choby u nos na Ślonsku.



S Panym Bogiym!




Brak komentarzy:

Prześlij komentarz

Etykiety

zdjęcia (980) wiara (550) podróże (411) polityka (325) Pismo Św. (269) rodzina (269) Śląsk (214) humor (206) po ślonsku (187) historia (174) Kościół (157) praca (139) człowiek (135) sprawy społeczne (124) Halemba (122) zabytki (114) muzyka (84) gospodarka (76) książka (75) Ruda Śląska (70) Jan Paweł II (68) ogród (68) filozofia (67) Grupa Poniedziałek (66) sport (57) dziennikarstwo (44) miłosierdzie (40) biurokracja (39) film (33) święci (30) muzeum (27) środowisko (26) varia (24) Papież Franciszek (21) Szafarz (18) teatr (16) św. Jacek (15)