czwartek, 20 października 2016

Ślonzok to je czysty Polok

Nasz jynzyk je blank taki som, jak we Polsce. 
Tam przeca na Żoliborzu jak karlus przidzie ze szychty do dom, to sebuwo szczewiki, ancug wiyszo we szranku i łodpino hołzyntregi z galotow.

Momy blank ta sama kultura.
U nos tyż, jak we Włocławku, jak sie chałpa przi rynku rabła, to gruzowisko cegłowek sie poniywiyro wiela to lot.

Ja, historyja momy jednako.
Piasty te same. Wdziynczność Kazimierzowi Wielgiymu wszyjscy my som winni. Nawet nad rozbiorami poradzymy cuzamyn zaślimtać, bo naszo krajina do dzisiej podzielono na Łopolske i Ślonske.

Tradycjo momy blank ta sama. 
Dyć wszyjscy wiedzom, że w kieleckim na świynta robi sie makowki, a we niydziela na łobiod muszom być rolady i modro kapusta.

Ornunk je jednaki
Jak u nos sie ftoś zgodo na tref na cziświerci na pionto, to blank jak pod Ustrzykami wszysjcy som na czas, jak pieron szczelił.


Niy kca sie tu mondrzyć, ale wszyjske wiedzom, że maszyrujymy pod tom samom fanom.

Dlo daltonisty wszyjsko jedno :)

Wtoś myśloł, że łoni tam we wysokim sejmie bydom nad nami deliberować? Przeca my som czyste Poloki i szlus - szkoda godki.



Łostońcie z Bogiym!






Brak komentarzy:

Prześlij komentarz

Etykiety

zdjęcia (1036) wiara (562) podróże (415) polityka (342) Pismo Św. (279) rodzina (271) Śląsk (229) humor (207) po ślonsku (198) historia (186) Kościół (159) człowiek (140) praca (140) Halemba (129) sprawy społeczne (127) zabytki (124) muzyka (91) gospodarka (83) książka (81) Ruda Śląska (80) Jan Paweł II (69) filozofia (69) ogród (69) Grupa Poniedziałek (67) sport (57) dziennikarstwo (45) biurokracja (40) miłosierdzie (40) film (33) święci (33) środowisko (29) muzeum (28) varia (25) Papież Franciszek (21) św. Jacek (19) Szafarz (18) teatr (16)