poniedziałek, 3 września 2012

Tyta dla pierwszaka

Dzisiej rano trza było wstać trocha wcześnij, bo zaczła sie szkoła.

Prawie Łukasz mioł późnij i skuli tego, jak my z Jackiym i z Elom już łaziyli po chałpie, to łon jeszcze społ.

Dyć dopiyro dziś rano mi sie spomniało, że Łukasz idzie do piyrszyj klasy i jak nic noleży mu sie tyta z bombonami. No to sie pytom moij roztomiłyj, czy momy cosik dlo niego, ale Ela tyż przodzi niy miała takego pomyślunku.

No trudno, niy boło już czasu i zawioz żech Jacka przed szkołom do babci, a Ela do jeji szkoły na Bor. Potym jo pojechol do mojij roboty.

Kole jednyj dostoł żech na moj mobilok łod żonki smsa, cytuja: "Może być?" i załonczono fotka:


No toż jednak nosz piyrszok dostoł tyta, jak trza.

Niy je łona możno tak wielko, jak łod naszyj sonsiadki, kero szła do piyrszokow w podstawowce, a ło keryj Ela godala, że mioła biyda jom uniyś, ale sie liczy, że tyta je tyta. 

Jak żech wrociol nazod z roboty, to wszyske bombony już boły zjedzone (przinajmij te z tyty, bo w kuchni w bojtliczku, żech jeszcze pora znod).

Łostońcie z Bogiym

Brak komentarzy:

Prześlij komentarz

Etykiety

zdjęcia (934) wiara (542) podróże (401) polityka (311) rodzina (267) Pismo Św. (260) Śląsk (209) humor (200) po ślonsku (177) historia (166) Kościół (154) praca (138) człowiek (132) sprawy społeczne (118) Halemba (116) zabytki (113) muzyka (78) książka (74) gospodarka (71) ogród (68) Ruda Śląska (67) Grupa Poniedziałek (66) filozofia (63) Jan Paweł II (58) sport (55) dziennikarstwo (43) miłosierdzie (40) biurokracja (38) film (31) święci (29) muzeum (27) środowisko (26) varia (23) Papież Franciszek (21) Szafarz (18) teatr (15) św. Jacek (15)