Podug Łukasza:
Jak ukrziżowali Jezusa, ludzie stoli i sie gapiyli. A członki Sanhedrynu Mu ubliżali: "Inkszych wybawiōł. niych terŏzki siebie wybawi, jak je Mesyjōszym, Bożym Wybrańcym". Szydzili s Niego i wojŏki; dołaziyli do Niego, dowali mu ôcet i gŏdali: "Jak Tyś je Krōlym żydowskim, wybŏw siebie". Bōło tyż nad Nim naszkryflane we jynzyku greckim, po łacinie i po hebrajsku: "To je Krōl żydowski".
 |
| Z katedry we Włocławku |
Jedyn z chacharōw, kerych tam powiesiyli, Mu dokuczōł: "Czy Tyś niy ma Mesyjosz? Toż wybŏw siebie i nos". Ale drugi, go uciszoł i padoł: "Ty sie nawet Boga niy bojisz, choć ta sama kara żeś dostoł? My przeca - sprowiedliwie ôdbiyromy suszno kara za to, co my zrobiyli, ale Ôn nic złego niy uczyniōł". I dodoł: "Jezu, spomnij sie ô mie, jak przidziesz do swojigo krōlestwa".
Jezus mu ôdpedzioł: "Na zicher ci godom: Dzisiej bydziesz zy Mnōm we raju".
Ôstōńcie z Bogiym
Brak komentarzy:
Prześlij komentarz