Podug Łukasza:
Jezus wlŏz do Jerycha i przełaziōł bez miasto. A jedyn chop, co mioł na mino Zacheusz, kery boł ołbrym celnikōw i boł majyntny, festelnie kcioł zoboczyć Jezusa, co za jedyn, ale niy poradziōł skuli ciźby, bo boł mały. Toż polecioł na przōd i wlŏz na sykomora, coby na Niego filować, bo mioł tamtyndy przełazić.
 |
| Sykomora w Jerycho |
Jak Jezus prziszoł na tyn plac, bliknōł na wiyrch i padoł do niego: "Zacheusz, złaź gipko, bo dzisiej musza sie zatrzimać we twojij chałpie". Slŏz drabko i przyjōn Go uradowany. A wszyjscy jak to badli, wajali: "Do grzysznika poszoł na byzuch".
A dyć Zacheusz stanōł i padoł tak: "Pōnie, toż połowa mojigo majōntku dŏwōm biydnym, a jak żech kogoś ukrziwdziōł, dom mu curik sztyry razy wiyncyj".
Na to Jezus padōł do niego: "Dzisiej zbŏwiynie prziszło do tyj chałpy, przeca i ôn je synym Abrahama. Bowiym Syn Człowieczy prziszoł znojś i zbŏwić to, co sie straciyło".
Ôstōńcie z Bogiym
Brak komentarzy:
Prześlij komentarz