poniedziałek, 12 września 2016

Ślonzok na Jasnyj Gorze

Jeszczech Wom ło tym niy łosprawioł, ale w zeszły szwortek po drodze do dom, wpod żech na kwila na Jasno Gora.

Jasno Gora

Tu pewnie nikerym trza wyjaśnić, że choć Czynstochowa terozki momy w województwie śląskim, to tak richtik Gorny Ślonsk zaczyno się bardzij na połedniu. Taki nom sam bajzel narobiyli i trza s tym żyć.

Czynstochowa mo jednak ze Ślonskym wiela wspólnego. Choby skuli tego, że nasz Książe Łopolski Władysław klosztor sam fondnoł, Paulinow sprowadzioł, no i piykny łobroz Świyntyj Paniynki, kajsik na jakijś wojnie na wschodzie ukradziony, im podarowoł.

Mogecie ło tym przeczytać na jednyj z bram, jak sie rajn włazi.

Władysław Opolczyk funduje klosztor

No i tak mi sie terozki przydarzyło, że na Królowyj Polski, żech we Czynstochowie niy boł. Na piytnostego siyrpnia, tyż żech niy boł. Na Matki Boskij Czynstochowskij tyż żech sam niy trefioł. 

A prawie bez cufal znoloz żech sie na Jasnyj Gorze w zeszły szwortek. Wiycie czamu?

No bo to prawie Świynto Paniynka miała gyburstag, a u nos na Ślonsku sie łobchodzi urodziny, a niy imiyniny, jak we Polsce. 


Świynto Paniynka z Synkym. Synek to Tyn poniżyj we monstrancyje

No toż na tyn gyburstag trocha żech sie tam poklynczoł i porzykoł za nos wszyjskich, coby nom PonBóczek pszajoł.


Łostońcie z Bogiym!





Brak komentarzy:

Prześlij komentarz

Etykiety

zdjęcia (981) wiara (550) podróże (411) polityka (325) Pismo Św. (269) rodzina (269) Śląsk (214) humor (206) po ślonsku (187) historia (175) Kościół (157) praca (139) człowiek (135) sprawy społeczne (124) Halemba (122) zabytki (114) muzyka (84) gospodarka (76) książka (75) Ruda Śląska (70) Jan Paweł II (69) ogród (68) filozofia (67) Grupa Poniedziałek (66) sport (57) dziennikarstwo (44) miłosierdzie (40) biurokracja (39) film (33) święci (30) muzeum (27) środowisko (26) varia (24) Papież Franciszek (21) Szafarz (18) teatr (16) św. Jacek (15)