czwartek, 1 września 2016

Ślonzok na Kujawach

Tak blank, jakby sie fto pytoł, to żech trefioł do Inowrocławia.

Dyć sam je tak, jak u nos na Ślonsku. 

Już same miano. U nos tyż porzond się godo, jada ino na Wirek, ino do Kochlowic abo ino na Chebzie. A tukej ino do Wrocławia kcieli, ale im boło na Ślonsk za daleko, to sie swoja mieścina nazwali Inowrocław. Piyknie pra?

Wybroł żech sie na kwila po robocie poszpacyrować, coby sie dychnońć. Sam tyż, choby we Chorzowie przed zoo, jak sie włazi do parku, wito nos wielgaśno żyrafa.

Misiezdo, że paw

A może to je fazan. Niy wiym, jo sie niy znom. 

Konsek dali postawiyli sie piykno muszla, coby muzykantom niy loło sie w dyszcz do trompetow. 

Muszla

Pamiyntocie jeszcze jak u nos na Halymbie tyż boła tako muszla?

Konsek wczesnij je jakoś pijalnia wody czy cóś, ale jo niy kcioł ło tym, że u nos tyż je pełno pijalni. Mie się ino zdo, że ta tukej wyglondo choby nasz zomek we Chudowie.

To niy ma Chudów 

Jak jo się dalij szpacyrowoł, to majom tu taki stow z czornom wodom po kerym pływajom się kaczki. Godom Wom blank jak nad Kłodnicom.

Kaczki

No i jeszcze dejcie pozor: palma choby przikludzono ze rynku z Katowic. Choć ino na mojij fotce tak wyglondo. Po prowdzie to łona je smarkato, niy tak jak nasze nad Rawom.

Żeby nom ino niy łodbiyła


A terozki nojważniejsze: forsztelujcie sie, że sam majom gruby i bergmanow, co fedrujom. Tyla ino, że zamiast czornego wongla fedrujom bioło sol. No saltz, co sie idzie zupa abo kartofle posolić.

Jak jo sam kiejś boł u jednego mojego kamrata na tyj grubje, to normalnie na tabliczce przy dźwiyrzach mioł naszkryflane "sztajger", a we pojśrodku na byfyju leżało czako ze piorami. No i łoni sam fest tyż fajrujom na Barborka. To ci szpas! 


Godom Wom, jo sie sam czuja, jak u nos w doma na Ślonsku.



Łostońcie z Bogiym!



Brak komentarzy:

Prześlij komentarz

Etykiety

zdjęcia (980) wiara (550) podróże (411) polityka (325) Pismo Św. (269) rodzina (269) Śląsk (214) humor (206) po ślonsku (187) historia (174) Kościół (157) praca (139) człowiek (135) sprawy społeczne (124) Halemba (122) zabytki (114) muzyka (84) gospodarka (76) książka (75) Ruda Śląska (70) Jan Paweł II (68) ogród (68) filozofia (67) Grupa Poniedziałek (66) sport (57) dziennikarstwo (44) miłosierdzie (40) biurokracja (39) film (33) święci (30) muzeum (27) środowisko (26) varia (24) Papież Franciszek (21) Szafarz (18) teatr (16) św. Jacek (15)