Czytanie z Piyrszyj Ksiyngi Samuela
Saul wyruszōł na pustynia Zif, a cuzamyn s nim czi tysiōnce wojŏkōw ze Izraela. Kcieli chycić na pustyni Zif Dawida.
 |
| Pustynia w Ziymi Świyntyj |
Dawid zaś z Abiszajym zakradli sie w nocy do ôbozu; Saul wtynczos społ we pojśrodku ôbozowiska, a jego dzida bōła wbito w ziymia kole gowy. Abner i ludzie spali kole niego. Toż Abiszaj padoł do Dawida: "Dzisiej Bōg ôddowo twojigo wroga we twoje rynce. Tera mi dozwōl, a zaciukōm go jego dzidom i zrobia to rŏz a porzōndnie". Dawid ôdpedzioł Abiszajowi: "Niy zabijej go! Fto moge podniyś rynka na Pańskigo pomazańca, a by mu sie za to niy ôberwało?"
No toż Dawid wziōn dzida i bukłak ze wodom, kery leżoł kole zŏgōwka Saula i sie poszli. Żŏdyn ich niy prziuważōł, żŏdyn ô tym niy wiedzioł i żŏdyn sie niy ôbudzioł. Wszyjscy spali, bo Pōn doł im twōrdy syn.
Dawid poszoł na drugo strona i stanōł sie na gōrce doś daleko, coby go żŏdyn niy siōngnōł.
Wtynczŏs Dawid zawołoł do Saula: "Ôbocz - to je krōlewsko dzida, niych sie tam jedyn ôd ciebie kopnie i sie jōm weźnie. Pōn dŏwŏ nagroda człekowi za sprowiedliwoś i wiernoś: Pōn doł mi ciebie w moje rynce, ale jŏ ich niy dźwignōł przeciw Pońskymu pomazańcowi".
Czytanie z Piyrszego Listu Świyntego Pawła Japostoła do Koryntian
Braty:
Stoł sie piyrszy człek, Adam, duszom żyjōncōm, a ôstatni Adam duchym ôżywiajoncym.
Niy bōło jednak piyrwyj tego, co duchowe, ale to, co ziymske; duchowe bōło późnij. Piyrszy człek z ziymi - ziymski, Drugi Człek - z nieba. Jaki tyn ziymski, take i ziymske; jaki Tyn niybieski, take i niybieske.
A jak nosiyli my ôbrōz ziymskigo człeka, tak tyż bydymy nosić ôbrōz Człeka niybieskigo.
Ôstōńcie z Bogiym
Brak komentarzy:
Prześlij komentarz