piątek, 27 maja 2016

Dyspensa

Dzisiej w naszyj diecezyji momy dyspynza i mogymy jeś woszty: KLIK

Na grilla


Moja ślubno pora dni tymu już sie mie pytała:
- A niy wiysz, czy we piontek po Bożym Ciele bydzie dyspynza?
- Niy wiym - żech odpedzioł - Zadzwoń do szwagra i sie spytej.

Moj bracik posłoł sms-a, że niy ma.

No to moja kupioła ino pora kotletow i zrobioła na szwortek szałot ze kartofli.

I dopiyro misiezdo we środa Biskup łogłosiyli, że jednak na piontek dyspynza bydzie.

Po co to komu? Skuli tego, coby sie tera we dugi weekynd szło pogrilować? Tyż!

Dyć przede wszyjskim skuli tego, że ślonske baby som fest szporobliwe. U nos we niydziela, ale i we inksze świynta tak sie warzy, coby stykło jeszcze na drugi dziyń. Beztoż je tak ważne, coby we piontek po świyncie tyż szło zjeś to samo.

Trocha ino szkoda, że Biskup doś późno sie kapli.

Jednak moja skonś dodatkowe kotlety wyczarowała.


No to ida na szałot!


Łostońcie z Bogiym



Brak komentarzy:

Prześlij komentarz

Etykiety

zdjęcia (1036) wiara (562) podróże (415) polityka (342) Pismo Św. (279) rodzina (271) Śląsk (229) humor (207) po ślonsku (198) historia (186) Kościół (159) człowiek (140) praca (140) Halemba (129) sprawy społeczne (127) zabytki (124) muzyka (91) gospodarka (83) książka (81) Ruda Śląska (80) Jan Paweł II (69) filozofia (69) ogród (69) Grupa Poniedziałek (67) sport (57) dziennikarstwo (45) biurokracja (40) miłosierdzie (40) film (33) święci (33) środowisko (29) muzeum (28) varia (25) Papież Franciszek (21) św. Jacek (19) Szafarz (18) teatr (16)