środa, 16 marca 2016

Insztalacjo we Muzeum

We tym naszym Ślonskim Muzeum w Katowicach je tako wysoko sala, kaj poradzom pokozać take fest wielgachne pomniki, dziwolongi, konstrukcyje ... . Ja, już wiym. Łoni to zwiom insztalacje.

Akurat na insztalacjach to jo sie znom, bo żech je inżynier insztalator. :)

Łońskiego roku jak żech tam boł, połustawiali palety, misiezdo kajsik z bauplacu je buchli, a na wiyrch naloli farby. Artysta nazwoł to Modry - tako farba akurat dostoł.

Leon Tarasewicz - Modry
Ponoć szło tam wlyź rain, ale bez kasku wolołch niy ryzykować.

Zeszły tydziyń we tyj izbie stoło już cosik nowego. Zinsztalowali tam tako dupno klotka na papagaje abo inaksze ptoki. Poszołch tam, bo miało być pobożnie - nazywało sie Psalm 130.

 Carole Benzaken - Psalm 130
Ptokow niy boło, ino we środku w zolu głośniki, z kerych boło słychać roztomaite trele. Larmo, że porzykać niy szło.


Jo niy wiym, czy nojlepij mi sie we tyj izbie niy podobalo zanim jeszcze muzeum łotwarli.

Industriada 2014 - pokazy Szalonych Fizyków

No i wtedy boło tam nojwiyncyj ludziskow.




Łostońcie z Bogiym!


P.S. Niy wierzcie tak blank we wszyjsko, co jo sam beblom :)



Brak komentarzy:

Prześlij komentarz

Etykiety

zdjęcia (979) wiara (550) podróże (411) polityka (325) rodzina (269) Pismo Św. (268) Śląsk (214) humor (206) po ślonsku (186) historia (174) Kościół (157) praca (139) człowiek (135) sprawy społeczne (124) Halemba (122) zabytki (114) muzyka (84) gospodarka (76) książka (75) Ruda Śląska (70) Jan Paweł II (68) ogród (68) filozofia (67) Grupa Poniedziałek (66) sport (57) dziennikarstwo (44) miłosierdzie (40) biurokracja (39) film (33) święci (30) muzeum (27) środowisko (26) varia (24) Papież Franciszek (21) Szafarz (18) teatr (16) św. Jacek (15)