niedziela, 8 września 2019

Wanielijo po ślōnsku #113

Podug Łukasza

Mocka ludziow szła za Jezusym. Ôn sie ôbrocioł i padoł do nich: "Jak ftoś przichodzi do Mie, a niy mŏ w niynŏwiści swojigo ôjca i matki, baby i dziecek, bratōw i siostrōw i na to jeszcze samego siebie, niy może być mojim uczniym. Fto niy dźwigŏ swojigo krziża, a idzie za Mnōm, tyn niy może być mojim uczniym.

Bo kery z wos, jakby kcioł postawić wieża, niy zicnie sie piyrwyj i niy porachuje, czy go styknie na jeji zbudowanie do końca? Dyć jakby położōł ino fōndamynt, a niy doł rady zbudować dalij, wszyjscy, jakby to badli, mieli by s niego ubaw: "To je tyn, kery zaczōn budować, a niy doł rada skończyć".

Czy mie styknie postawić wieża do końca?


Abo kery krōl, jakby kcioł iś na wojna s drugim krōlym, niy zicnie sie piyrwyj i niy pomedykuje, czy jego dziesiyńć tysiyncy wojŏkōw do rada tymu, kery ciōngnie przeciw niymu ze dwudziestoma tysiōncami wojŏkōw? Jak niy, śle poselstwo, jak tamtyn je jeszcze doś daleko i prosi ô warunki pokoju.

Toż tak, żŏdyn kery sie niy wyrzeknie wszyjskigo, co mŏ, niy może być mojim uczniym".





Ôstōńcie z Bogiym




Brak komentarzy:

Prześlij komentarz

Etykiety

zdjęcia (2555) wiara (1072) podróże (894) polityka (690) Pismo Św. (675) po ślonsku (440) rodzina (400) Śląsk (389) historia (371) Kościół (344) zabytki (313) humor (294) Halemba (261) człowiek (233) książka (203) praca (203) święci (187) muzyka (184) gospodarka (169) sprawy społeczne (169) Ruda Śląska (138) Grupa Poniedziałek (111) ogród (106) filozofia (104) Jan Paweł II (103) Covid19 (89) miłosierdzie (82) muzeum (76) środowisko (76) dziennikarstwo (73) sport (73) film (66) wojna (55) biurokracja (54) Papież Franciszek (53) Szafarz (43) dom (38) varia (36) św. Jacek (31) teatr (29) makro (7)