niedziela, 29 września 2019

Wanielijo po ślōnsku #116

Podug Łukasza:

Jezus pedzieli do faryzeuszōw:
Boł jedyn bogocz, kery fest sie strojōł we purpura i bisior i dziyń w dziyń bawiōł sie na wielgim fajerze. Przi bramie jego pałacu leżoł żebrok, cołki we bolokach, kerymu było na miano Łazorz. Kcioł łon sie najeś abfalami ze stołu bogocza. A ino psy prziłaziyły i lizały jego boloki.

Pałac Biskupów Krakowskich w Kielcach


Żebrok wziōn i umar, a anioły zaniyśli go na łono Abrahama. Zmarło sie tyż bogoczowi i go pochowali. Jak ciyrpioł mynki we Ôtchłani, dźwignōł ôczy i prziuważōł z daleka Abrahama i Łazorza na jego łonie. I zawołoł: "Ôjcze Abrahamie, zlituj sie nady mnōm i poślij Łazorza, coby choby koniec swojigo palca zamoczōł we wodzie i ôchłodziōł mōj jynzyk, bo festelnie ciyrpia we tyj fojerze". A dyć Abraham ôdpedzioł: "Spomnij sie synek, że jakeś żoł dostołś swoje dobra, a Łazorz wtynczŏs - niydola; terŏzki ôn sam dostŏwŏ pociecha, a ty ciyrpisz mynki. Krom tego pōmiyndzy nami a wami je festelno przepaś tak, że żŏdyn, choby kcioł, niy poradzi przyńś ani tam, ani curik".

Tamtyn padoł: "Toż prosza cie, ôjcze, poślij go do chałpy mojigo ôjca. Mōm jeszcze piyńciu bratōw: niych ich napomni, coby i ôni niy przijszli na tyn plac mynki".

Dyć Abraham ôdpedzioł: "Majōm Mojżysza i Prorokōw, niych ich suchajōm!" "Niy, ôjcze Abrahamie - padoł tamtyn - jakby ftoś ze umarlŏkōw poszoł do nich, to sie nawrócōm". Ôdpedzioł mu: "Jak Mojżysza i Prorokōw niy poradzōm usuchać, to choby im sie jakiś niyboszczyk zjawioł, niy uwierzōm". 




Ôstōńcie z Bogiym







Brak komentarzy:

Prześlij komentarz

Etykiety

zdjęcia (2554) wiara (1071) podróże (894) polityka (690) Pismo Św. (675) po ślonsku (440) rodzina (400) Śląsk (389) historia (371) Kościół (343) zabytki (313) humor (294) Halemba (261) człowiek (233) książka (203) praca (203) święci (187) muzyka (184) gospodarka (169) sprawy społeczne (169) Ruda Śląska (138) Grupa Poniedziałek (111) ogród (106) filozofia (104) Jan Paweł II (103) Covid19 (89) miłosierdzie (82) muzeum (76) środowisko (76) dziennikarstwo (73) sport (73) film (66) wojna (55) biurokracja (54) Papież Franciszek (53) Szafarz (43) dom (38) varia (36) św. Jacek (31) teatr (29) makro (7)