niedziela, 30 lipca 2017

Ewangelijo po ślonsku #45

Podle Mateusza:

Jezus pedzioł ciźbie ludzi tako bojka:
Krolestwo niybieske podane je na skarb skryty kajś na polu. Znod go jedyn chop i nazod skrył. Uradowany poszoł, sprzedoł wszyjsko, co mioł i kupioł to pole. I dalij, krolestwo niybieske podane je na handlyrza łod pereł. Jak znod jedna drogocynno perła, poszoł, sprzedoł wszyjsko, co mioł i ja kupioł.

I dalij, krolestwo niybieske podane je na sieci wciepnione w morze i chytajonce roztomajte fisze. Jak som pełne, to sie je wyciongo na brzeg i dobre fisze idom na patelnio, a złe sie wyciepuje. 

Dobre fisze

Tak bydzie na końcu świata: wyjdom janioly, wyłonaczom złych łod sprowiedliwych i wciepnom ich do fojery: tam bydzie płacz i zgrzitanie zymbow.
Spokopiliście to? Łodpedzieli Mu: Ja.

A Łon im pado: Bez toż kożdy uczony we Piśmie, kery stoł sie uczniym krolestwa niybieskego, je podany na fatra familije, kery ze swego skarpca wyciongo rzeczy nowe i stare.



S Panym Bogiym



Brak komentarzy:

Prześlij komentarz

Etykiety

zdjęcia (934) wiara (542) podróże (401) polityka (311) rodzina (267) Pismo Św. (260) Śląsk (209) humor (200) po ślonsku (177) historia (166) Kościół (154) praca (138) człowiek (132) sprawy społeczne (118) Halemba (116) zabytki (113) muzyka (78) książka (74) gospodarka (71) ogród (68) Ruda Śląska (67) Grupa Poniedziałek (66) filozofia (63) Jan Paweł II (58) sport (55) dziennikarstwo (43) miłosierdzie (40) biurokracja (38) film (31) święci (29) muzeum (27) środowisko (26) varia (23) Papież Franciszek (21) Szafarz (18) teatr (15) św. Jacek (15)