Podle Mateusza
Jezus pedzieli do swojich japostołow:
Jak ftoś pszaje swojymu łojcu abo swojij matce bardzij niźli Mie, niy je Mie godziyn. I jak ftoś pszaje swojimu synowi abo swojij cerze bardzij niźli Mie, niy je Mie godziyn. Fto niy biere swojigo krziża, a idzie za Mnom, niy je Mie godziyn. Fto kce znojś swoj żywot, straci go, a fto straci swoj żywot skuli Mie, znojdzie go.
Fto wos przijmuje, Mie przijmuje; a fto Mie przijmuje, przijmuje Tego, kery Mie posłoł. Fto przijmuje proroka, jako proroka, prymio proroka erbnie. Fto przijmuje sprowiedliwego, jako sprowiedliwego, prymio sprowiedliwego erbnie.
Fto do gorczek wody do picio choby bajtlowi skuli tego, że je Mojim uczniym, na zicher wom godom, niy straci swojigo gyltaku.
S Panym Bogiym
Brak komentarzy:
Prześlij komentarz