wtorek, 4 lipca 2017

Kopalnia Halemba

Cołke życie miyszkom na Halymbie.

A ponoć prawie tera trefioło, że naszyj grubie pizło 60 rokow.

KWK Halemba - widok z Mokrego

Moj łojciec robioł na Bielszowicach, toż jo wiela wiyncyj wiedzioł ło nij, ale Halymba boła w zocy jeszcze za Gerka, bo niby sam zaczli fedrować na tauzynie. Jak ftoś niy ma hajer, tak jak jo, to to sie je ciynżko forsztelować, że idzie szolom sjechać wiyncyj niźli kilometer w pod ziymio - to je onmyjgliś.

Cołke życie jo ta naszo gruba widzioł ino zza płota. Bo, jak ftoś tam niy robi, to go rain niy wpuszczom.

Ale tera pora rokow nazod mioł żech ze mojij roboty taki szpas, że dowoł żech pozor na przebudowa kanalizacyje na terynie gruby. Na doł żech niy sjyżdżoł, ale przinajmnij na gorze mog żech sie (po szkolyniu bhp) wszyjsko połoglondać z bliska.

Szyb i konsek sepery

Nawet żech łaziol tymi estakadami, kaj hajery idom ze szatnie do szybu.

Idymy we strona szybu

Pełno roztomaitych maszyn, klamorow i inkszych pieroństw szło tam łobejrzeć.

Niy mom pojyńcio, co za pieroństwo

Nojlepij jednak wyglondajom grubske szyby i to niy te betonioki.

Szyb

60 lot - to kawał czasu. Łoboczymy, co bydzie dalij. 

Grubie na gyburstag winszuja, coby fedrowała z synsym.



Szczyńść Boże!




Brak komentarzy:

Prześlij komentarz

Etykiety

zdjęcia (2555) wiara (1072) podróże (894) polityka (690) Pismo Św. (675) po ślonsku (440) rodzina (400) Śląsk (389) historia (371) Kościół (344) zabytki (313) humor (294) Halemba (261) człowiek (233) książka (203) praca (203) święci (187) muzyka (184) gospodarka (169) sprawy społeczne (169) Ruda Śląska (138) Grupa Poniedziałek (111) ogród (106) filozofia (104) Jan Paweł II (103) Covid19 (89) miłosierdzie (82) muzeum (76) środowisko (76) dziennikarstwo (73) sport (73) film (66) wojna (55) biurokracja (54) Papież Franciszek (53) Szafarz (43) dom (38) varia (36) św. Jacek (31) teatr (29) makro (7)