niedziela, 7 maja 2017

Ewangelijo po ślonsku #33

Podle Jona:

Jezus pedzioł:

"Na zicher wom godom: Fto niy włazi do łowczanie bez brama, ale wlazuje bez zopłocie, tyn je kradziok i zbój. Fto włazi, jak trza bez brama, je pastyrzym łowiec. Tymu łotwiyro ficywert, a łowce suchajom jego godki; woło łon na łowce tak, jak sie mianujom i wyłazi s nimi z zogrody. Jak juź wszyjske wykludzi, stowo na przodzie, a łowce wdycki za nim idom, bo znajom jego godka. Zaś za cudzym niy pódom ino bydom citać łod niego, bo niy znajom godki łod cudzych."

Łowce

Ta powiastka pedzioł im Jezus, ale łoni niy spokopiyli, ło co sie w tym rozłazi.

Toż im Jezus juzaś tuplikowoł: "Na zicher wom godom: Jo je ta brama łod łowiec. Wszyjske, co prziszli przodzi przedy Mnom, som kradzioki i zbóje i bez toż łowce ich niy posuchały. Jo je brama. Jak ftoś przełazi przezy Mie, bydzie zbawiony - wlezie i wylezie i znojdzie łonka. Kradziok prziłazi ino skuli tego, coby cosik chabnoć, zaciukać abo rymplować. Jo prziszol skuli tego, coby łowce mioły żywot i to żywot na fest."  



S Panym Bogiym



Brak komentarzy:

Prześlij komentarz

Etykiety

zdjęcia (2555) wiara (1072) podróże (894) polityka (690) Pismo Św. (675) po ślonsku (440) rodzina (400) Śląsk (389) historia (371) Kościół (344) zabytki (313) humor (294) Halemba (261) człowiek (233) książka (203) praca (203) święci (187) muzyka (184) gospodarka (169) sprawy społeczne (169) Ruda Śląska (138) Grupa Poniedziałek (111) ogród (106) filozofia (104) Jan Paweł II (103) Covid19 (89) miłosierdzie (82) muzeum (76) środowisko (76) dziennikarstwo (73) sport (73) film (66) wojna (55) biurokracja (54) Papież Franciszek (53) Szafarz (43) dom (38) varia (36) św. Jacek (31) teatr (29) makro (7)