niedziela, 14 maja 2017

Ewangelijo po ślonsku #34

Podle Jona:

Jezus pedzieli do swojich uczniow:
"Dyć sie niy starejcie. Wierzycie w Pon Bóczka? I wy mie wierzcie! W chałpie łod mego Łojca je placu za tela. Jak by było mało, to bych wom pedzioł. Ida przeca, coby wom narychtować plac. A jak póda i narychtuja wom plac, przida curik i przekludza wos do sia, cobyście i wy byli cuzamyn sy Mnom. Znocie droga, kaj ida."

Łodezwoł sie do Niego Tomasz: "Ponie, niy wiymy, kaj idziesz. No to jak mogymy znać droga?"

Jo je droga i prowda, i życie


Łodpedzioł mu Jezus: "Jo je droga i prowda, i życie. Żodyn niy przidzie do Łojca inakszyj, jak ino przezy Mie. Jakbyście Mie poznali, znalibyście tyż mojego Łojca. Ale tera już Go znocie i łoboczyliście Go."

Pedzioł do Niego Filip: "Ponie, pokoż nom Łojca, a to nom styknie>"

Łodpedzioł mu Jezus: "Filip, dyć już tak dugo jes żech z wami, a jeszcze żeś Mie niy poznoł? Fto widzi Mie, widzi tyż i Łojca. No to czymu godosz: "Pokoż nom Łojca?" Dyć niy wierzysz, że Jo je w Łojcu, a Łojciec wy Mie? To, co wom godom, niy godom łod sia. To Łojciec, kery trwo wy Mie, Łon to łonaczy. Wierzcie mi, że Jo je w Łojcu, a Łojciec wy Mie. A jak niy - wierzcie przinajmnij bez toż, co sie wyłonaczyło!

Na zicher wom godom: Fto wy mie wierzy, tyż bydzie poradziol tak łonaczyć, jak Jo, a nawet bardzij, bo jo ida do Łojca."



S Panym Bogiym





1 komentarz:

  1. Nareszcie Poon Booczku budzisz zaspanyh S'loonzokoow tego s'wiata...

    OdpowiedzUsuń

Etykiety

zdjęcia (980) wiara (550) podróże (411) polityka (325) Pismo Św. (269) rodzina (269) Śląsk (214) humor (206) po ślonsku (187) historia (174) Kościół (157) praca (139) człowiek (135) sprawy społeczne (124) Halemba (122) zabytki (114) muzyka (84) gospodarka (76) książka (75) Ruda Śląska (70) Jan Paweł II (68) ogród (68) filozofia (67) Grupa Poniedziałek (66) sport (57) dziennikarstwo (44) miłosierdzie (40) biurokracja (39) film (33) święci (30) muzeum (27) środowisko (26) varia (24) Papież Franciszek (21) Szafarz (18) teatr (16) św. Jacek (15)