niedziela, 26 listopada 2017

Ewangelijo po ślōnsku #63

Podug Mateusza

Jezus pedzieli do swojich uczniow:
Jak Syn Człowieczy przidzie we swyj kwale, a s Nim wszyjske janioły, zicnie na swojim tronie pełnym kwały. I trefiōm sie przed Nim wszyjske nacyje, a Łon ôddzieli jednych ludziow ôd drugich, jak pastyrz łoddzielo ôwce ôd kozłōw.
Ôwce postawi po prawyj, a kozły po swyj lewyj stronie.

Ôwce 

Wtynczŏs ôdezwie sie Krōl do tych po prawyj stronie:

Pōdźcie, bogosławiyni u mojego Ôjca, erbnijcie krōlestwo, narychtowane dlŏ wos ôd poczōntku świata!
Bo mioł żech głōd, a daliście Mi sie pojeś;
mioł żech pragniynie, a daliście mi pić;
prziszołch z daleka, a przijōnliście Mie;
boł żech sagi, a ôblykliście Mie;
boł żech niymocny, a nawiydziyliście Mie;
boł żech w hereszcie, a prziszliście ku Mie.

Wtynczŏs zapytajōm sprowiedliwe: Pōnie, kiej widzieli my Cie głodny i dali my Ci sie pojeś? Abo spragniony i dali my Ci pić? Kiej trefiyli my Cie jako przibysza i wziyli my Cie do dōm, abo widzieli my Cie sagi i ôblykli my Ciebie? Kiej widzieli my Cie niymocny abo w hereszcie i prziszli my do Cia? A Krōl im ôdpowiy: Na zicher wōm godom: Wszyjsko coście wyłōnaczyli jednymu z tych mojich nojmniyjszych bratōw, Mieście wyłōnaczyli.

Potym ôdezwie sie tyż do tych po lewyj stronie: Idźcie fort ôdy Mie, pierony, w wieczny fojer, narychtowany diobłu i jego janiolom!
Bo mioł żech głōd, a niy daliście Mi sie pojeś;
mioł żech pragniynie, a niy daliście mi pić;
prziszołch z daleka, a wyciepliście Mie;
boł żech sagi, a niy ôblykliście Mie;
boł żech niymocny i we hereszcie, a niy nawiydziyliście Mie.

Wtynczŏs zapytajōm i te: Pōnie, kiej widzieli my Cie głodny abo spragniony, abo jako przibysz, abo sagi, kiej niymocny abo w hereszcie i niy pomogli my Ci? Toż im ôdpowiy: Na zicher wōm godom: Wszyjsko czegoście niy wyłōnaczyli jednymu z tych mojich nojmniyjszych bratōw, Mieście niy wyłōnaczyli.

I pódom ci na wieczno kara, sprowiedliwi zaś do życiŏ wiecznego.


S PōnBóczkiym


   


Brak komentarzy:

Prześlij komentarz

Etykiety

zdjęcia (2555) wiara (1072) podróże (894) polityka (690) Pismo Św. (675) po ślonsku (440) rodzina (400) Śląsk (389) historia (371) Kościół (344) zabytki (313) humor (294) Halemba (261) człowiek (233) książka (203) praca (203) święci (187) muzyka (184) gospodarka (169) sprawy społeczne (169) Ruda Śląska (138) Grupa Poniedziałek (111) ogród (106) filozofia (104) Jan Paweł II (103) Covid19 (89) miłosierdzie (82) muzeum (76) środowisko (76) dziennikarstwo (73) sport (73) film (66) wojna (55) biurokracja (54) Papież Franciszek (53) Szafarz (43) dom (38) varia (36) św. Jacek (31) teatr (29) makro (7)