niedziela, 5 listopada 2017

Ewangelijo po ślonsku #60

Podug Mateusza:

Jezus tak godali do ludziow i do swojich uczniow: Na katydrze Mojżysza zicli mondrzy w Piśmie i faryzeusze. Robcie i suchejcie wszyjsko, co wom kożom, ale s tego jak sie sami sprawujom niy biercie przikładu. Dyć godajom dużo, ale sami tak niy łonaczom. Rychtujom łogromniaste ciynżary i dowajom je ludziom do dźwiganio, a sami nawet palcym niy kiwnom.

To, co robiom, robiom ino na parada, coby ludzie widzieli. Rozszyrzajom swoje filakteryje i przedłużajom fryndzle w mantlach. 

Mantel z dugimi fryndzlami

Cisnom sie na nojlepsze place na jublach i do piyrszyj ławki w kościele. Kcom, coby kożdy ich witoł na rynku, i coby im godać "Rechtorze". A wy nie dowejcie sie godać "Rechtorze", bo je ino jedyn wasz Rechtor, a wyście wszyjscy som braty. Nikogo tyż niy mianujcie waszym łojcym, bo jedyn je wasz Łojciec, Tyn w niebie. Niy kciyjcie tyż coby wos mianowali majstrami, bo jedyn je wasz Miszcz, Chrystus.

Nojwiynkszy z wos niych bydzie waszym sugom. Fto sie wywyższo, bydzie poniżony, a fto sie poniżo, bydzie wywyższony.



S PonBóczkiym




Brak komentarzy:

Prześlij komentarz

Etykiety

zdjęcia (1336) wiara (630) podróże (501) polityka (409) Pismo Św. (377) rodzina (290) po ślonsku (284) Śląsk (257) humor (217) historia (213) Kościół (177) zabytki (160) człowiek (158) Halemba (157) praca (155) sprawy społeczne (136) muzyka (105) Ruda Śląska (98) gospodarka (97) książka (92) ogród (77) Grupa Poniedziałek (75) filozofia (74) Jan Paweł II (70) sport (66) dziennikarstwo (49) miłosierdzie (47) biurokracja (45) święci (45) film (39) środowisko (37) muzeum (34) varia (31) Papież Franciszek (26) Szafarz (21) św. Jacek (19) teatr (16) dom (2) makro (1)