niedziela, 15 października 2017

Ewangelijo po ślonsku #57

Podle Mateusza:


Jezus godali w bojkach do arcykapłanow i ołberow ludu:

Krolestwo niybieske podane je na krola, kery wyłonaczoł wielgi weselny fajer swojymu synowi. No toż posłoł swoje sugi, coby zawołali na fajer tych, co byli napytani. A ci niy kcieli przijś.

Dyć posłoł sugi drugi roz z godkom: Powiydzcie napytanym, że fajer je narychtowany. Zwierzoki zaszlachtowane, miynso i kełbasy narychtowane i wszysjsko je fertich. Przidźcie na fajer! Jednak łoni to zbyli i poszli kajś indzij: jedyn na swoje pole, drugi do swojigo gyszeftu, a inksze chyciyli sugi i ich pozbijali.

No toż krol sie wnerwioł. Posłol wojokow i kozoł wytracić chachorow, a ich miasto spolić.

Potym pedzioł swojim sugom: Toż momy tak: fajer je narychtowany ino napytane goście niy byli go godni. No toż idźcie na roztomaite zapłocia i napytejcie na fajer wszysjskich kerych treficie. Sugi poszli i sprowadziyli wszyjskich kerych trefiyli: złych i dobrych. I na sali weselnyj zrobioło sie fol.



Wloz krol, coby sie pogaftać na fajrujoncych i łoboczoł chopa, kery niy bol łobleczony w ancug, jak noleży na weselu. Pedzioł mu: Pszocielu, jakżeś sam wloz bez ancuga? Tyn stracioł jynzyka w gymbie. Toż krol padol sugom: weżcie go zwinżcie i wyciepcie aus, w cimok. Tam bydzie płacz i zgrzitaniy zymbow. Bo wielu je powołanych, ale mało wybranych.




S Panym Bogiym 



Brak komentarzy:

Prześlij komentarz

Etykiety

zdjęcia (1336) wiara (630) podróże (501) polityka (409) Pismo Św. (377) rodzina (290) po ślonsku (284) Śląsk (257) humor (217) historia (213) Kościół (177) zabytki (160) człowiek (158) Halemba (157) praca (155) sprawy społeczne (136) muzyka (105) Ruda Śląska (98) gospodarka (97) książka (92) ogród (77) Grupa Poniedziałek (75) filozofia (74) Jan Paweł II (70) sport (66) dziennikarstwo (49) miłosierdzie (47) biurokracja (45) święci (45) film (39) środowisko (37) muzeum (34) varia (31) Papież Franciszek (26) Szafarz (21) św. Jacek (19) teatr (16) dom (2) makro (1)