Podug Mateusza
Jezus pedzieli do arcykapłanow i ołberow ludu:
Posuchejcie inkszyj bojki. Boł roz bauer, kery kcioł wyrychtować winnica. Łotoczoł ja murym, wykopoł presa, postawioł wieża i na koniec łoddoł jom rolnikom, coby jom łoporzondzali i wyjechoł.
 |
| Winnica |
Jak prziszło ku zbiorom, posłoł swoje sugi do rolnikow, by wziynli plon, kery sie właścicielowi przinależoł. Ale dyć rolniki chycili jego sugi i jednego pocharatali, drugego zakatrupiyli, a trzeciego łopciepali putami. Toż posłoł inksze sugi, wiyncyj niż przodzi, dyć i s nimi tak samo zrobiyli. Na koniec posłoł do nich swojigo syna, bo wydeliberowoł, że bydom przeca mieć w zocy mojigo syna. Dyć rolniki, jak łoboczyli syna, godali do sia: To je dziedzic, poćcie go zabijymy, to my erbnymy majontek. Chycili go, wyciepli z winnice i zakatrupiyli. No toż jak przidzie właściciel winnice, co wyłonaczy z tymi rolnikami?
Pedzieli Mu: Chachorow marnie wytraci, a winnica łoddo w nojym inkszym, kerzy bydom łoddowali plon wtedy, kej bydzie ku tymu czas.
Jezus im pedzioł: Czy niy czytaliście nigdy we Piśmie: Tyn właśnie kamiyń, kery wyciepli baumajstry, stoł sie głowicom węgła. Pon to sprawił, i to je richtich cud na naszych łoczach. Beztoż wom godom: Krolestwo Boże wom weznom i dadzom narodowi, kery wydo jego łowoce.
S Panym Bogiym
Brak komentarzy:
Prześlij komentarz