niedziela, 16 września 2018

Biblia po ślōnsku 17

Czytanie z Ksiyngi Proroka Izajasza

Pon Bŏg ôtwar mi ucho, a jŏ sie niy szpryngnōł ani żech sie cŏfnōł. Podoł żech mŏj pukel, coby mie prali i gymba, coby szarpali mie za broda. Niy schowoł żech mojij gymby przed spieroniyniym i charkami.

Z katedry włocławskiej


Pon Bŏg mie wspomago, beztoż mie niy ruszajom ubliżynia, beztoż mom gymba, jak puta i wiym, że niy bydzie mie gańba.

Wele mie je Tyn, kery mie uniywinni. Fto do rada wadzić sie zy mnōm? Niych stowo! Fto je mojim ôskarżycielym? Niych sam przidzie!

Dyć Pon Bŏg mie wspomago. Fto mie potympi?




Czytanie z Listu Świyntego Jakuba Japostoła

Jaki je s tego pożytek, bracia moji, skoro ftoś bydzie gŏdoł, że wierzy, a niy bydzie spełniōł czynōw. Czy same wierzynie do rada go zbawić?

Jeśli na tyn przikłŏd brat abo siostra niy majom sie w co ôblyc, abo niy majom chleba do zjedzyniŏ, a ftoś s fos im rzeknie: "Idźcie w pokoju, ôgrzyjcie sie i najydzcie wiela trza" - a niy dŏcie im tego, co je im potrzebne - to na co sie to zdŏ? Tak tyż i wiara, jak niy idzie za niom czyn, je umarto samo z sia.

Ale może ftoś pedzieć: Ty mŏsz wiara, a jŏ robia czyny. Pokŏż mi swoja wiara bez czynōw, to jŏ ci pokŏża wiara s mojich czynōw. 



Ôstōńcie z Bogiym




1 komentarz:

  1. Trochę przypadkiem trafiłem na ten blog bo został mi polecony przez mojego bardzo dobrego przyjaciela.Oceniam ten blog wysoko.

    OdpowiedzUsuń

Etykiety

zdjęcia (1260) wiara (611) podróże (482) polityka (388) Pismo Św. (351) rodzina (284) po ślonsku (266) Śląsk (255) humor (214) historia (209) Kościół (170) zabytki (156) człowiek (153) Halemba (152) praca (150) sprawy społeczne (133) muzyka (103) Ruda Śląska (95) gospodarka (94) książka (88) ogród (77) Grupa Poniedziałek (73) filozofia (72) Jan Paweł II (69) sport (64) dziennikarstwo (47) biurokracja (44) miłosierdzie (44) święci (41) film (38) środowisko (36) muzeum (34) varia (30) Papież Franciszek (23) Szafarz (20) św. Jacek (19) teatr (16) dom (1) makro (1)