niedziela, 23 września 2018

Biblia po ślōnsku 18

Czytanie z Ksiyngi Mōndrości 

Bezbożniki godali:
"Narychtujmy zasadzka na sprowiedliwego, bo nom zawŏdzŏ: mŏ wōnty do naszego dziołanio, fandzŏli, że niy sōm my usuchliwi dlŏ Prawa, wypōminŏ nom, że niy sōm my do porzōndku, jak trza. Ôboczymy, czy mŏ recht, wybadejmy, co bydzie przi jego umiyraniu. Bo jak sprowiedliwy je synym Bożym, Bóg go uchroni i wytargŏ go z rynkŏw jego przeciwnikŏw. Spierońmy go i spiermy, coby ôboczyć czy richtich je spolegliwy. Ôsońdźmy go na paskudno śmierć, bo - jak godo - bydzie ôcalony".

III Stacja Drogi Krzyżowej w Jerozolimie


Czytanie z Listu Świyntego Jakuba Japostoła

Roztomili:
Kaj zazdroś i chyntka do wadzyniŏ, tam tyż bajzel i wszelke chacharstwo. Mondroś zaś, kero zstympuje z gōry je nojsamprzōd czysto, dalij - piyrszo do zgody, ustympliwo, usuchliwo, pełno miłosierdzia i dobrych ôwocow, wolno ôd paczynio sie na ludzi i ôd ôbłudy. Ôwoc zaś sprowiedliwości siejom w pokoju ci, co pokōj czyniōm.

Skōnd sie bierōm wojny i skōnd wadzynie miyndzy wami? Dyć niy skōndinōnd, ino z waszych chuci, kere walczōm w waszych członkach. Pożondocie, a niy mocie, zazdrościcie, jak pieron, a niy poradzicie dostać. Ônaczycie haje i zwady, a nic niy mocie, bo niy rzykŏcie. Rzykŏcie, a niy dostŏwŏcie, bo źle rzykŏcie, jak prosicie ino ô zaradzynie waszym chuciom.


Ôstōńcie z Bogiym





Brak komentarzy:

Prześlij komentarz

Etykiety

zdjęcia (2555) wiara (1072) podróże (894) polityka (690) Pismo Św. (675) po ślonsku (440) rodzina (400) Śląsk (389) historia (371) Kościół (344) zabytki (313) humor (294) Halemba (261) człowiek (233) książka (203) praca (203) święci (187) muzyka (184) gospodarka (169) sprawy społeczne (169) Ruda Śląska (138) Grupa Poniedziałek (111) ogród (106) filozofia (104) Jan Paweł II (103) Covid19 (89) miłosierdzie (82) muzeum (76) środowisko (76) dziennikarstwo (73) sport (73) film (66) wojna (55) biurokracja (54) Papież Franciszek (53) Szafarz (43) dom (38) varia (36) św. Jacek (31) teatr (29) makro (7)