Czytanie z Ksiyngi Liczb
Pon zstōmpioł we chmurze i gŏdoł z Mojżyszym. Wzion z ducha, kery boł w nimi przekŏzoł go tym istnym starszym, kerych boło siedymdziesiōnt. A jak spoczoł na nich duch, wpadli w uniesiynie prorocke. Ale ino roz.
Dwóch chopōw ôstało w ôbozie. Jednymu boło Eldad, a drugimu Medad. Na nich tyż zstōmpioł duch, bo przinŏleżeli do wezwanych, ino niy przyjszli do namiotu. No toż w uniesiynie prorocke wpadli w ôbozie.
Przilecioł synek i padoł Mojżyszowi: "Eldad i Medad wpadli w ôbozie w uniesiynie prorocke". Jozue, syn Nuna, kery ôd bajtla boł na sużbie u Mojżysza, wziōn sie za gŏdanie i padoł: "Mojżyszu, ponie mŏj, zakŏż im!" Ale Mojżysz ôdpedzioł: "Toś ty je ô mie zazdrosny? Ôby tak samo cołki lud Pona prorokowoł, ôby mu Pon doł swojigo ducha!"
Czytanie z Listu Świyntego Jakuba Japostoła
Toż terŏzki wy bogocze prziszoł na wos dran i bydziecie beczeć skuli utrŏpy, jako wos czekŏ. Bogactwo wasze zgniyło, szaty wasze zeżarły mole, złoto wasze i srebro zarōściało, a rōst jejich bydzie świŏdectwym przeciw wom i bydzie wżyrać sie we wasze ciała, jak ôgiyń. Naforowaliście skarby we ôstatecznych dniach.
Dyć wołŏ geltak robotnikow, żniwiorzy ze waszych roli, keryście zahaltowali, a krzik żniwiorzy doszoł do uszōw Pona Zasympōw. Żyliście beztrosko na ziymi i wśród bogactwa tuczyliście wasze herca we dniu rzezi. Potympiyliście i zabiyliście sprowiedliwego. Niy stŏwioł sie wōm.
 |
| Niy stŏwioł sie wōm |
Ôstōńcie z Bogiym
Brak komentarzy:
Prześlij komentarz