poniedziałek, 4 sierpnia 2014

Afy w Łopolu

We ta łostatnio sobota, jak żech sie już poszwyndoł po Łopolu i zjod konsek łobiadu, medykuja co sam dalij robić.

Żar loł sie s nieba, po mieście mi sie już łazić niy kciało. Możno jake muzeum?



Tak żech stanoł pod tom tabulom i sie myśla: co to je tyn Śląsk Opolski? Jo tam zowżdy uważoł, że Łopole to je stolico Gornego Ślonska, ale możno jo je w błyndzie? No i żech rajn niy wloz.

Za to wybroł żech sie do Zoo.

Drzwiyrza niy majom take wielgachne jak te we Chorzowie, co to je ze Świyrklańca chcachary porwali.



Zarozki za bramom prziwitała mie żaba. Kusiola żech ij niy doł, bo ani jo gryfny, ani łona ksiynżniczka (a jeszcze by sie łokozało, że to ksionże i byłaby ino łostuda)



Potym trefiły mi sie roztomaite ptoki. Jo już mom ptoka (w gowie), ale zawsze dobrze jes sie łobejrzeć take na fraju (znaczy sie w klotce, ale niy w łebie).






Z ikszych ptokow boły jeszcze strusie, pelikany, kondor, sowy i co tam jeszcze.






Jak żech łoboczoł tego tajgera, toch niy wiedzioł czy citać czy robić fotka.



Boły w tym zoo tyż afy, ale goryl niy kcioł sie dać sfotografować (wredny małpiszon), a inno afa sie chyba łobrazioła na cołki świat - niy wiym ło co.



















Kule bele, z tom gowiedziom to je ino komedyjo, bo czasym to im je ciynżko fotka szczelić. Tako żyrafa nijak niy kce sie cołko smieścić.



Lepij w kadr włażom robole, ale tu sie strachom, żeby niy wlazły tyż przi łokazji za szlabiker.




A fto je królym wszyjskich zwierzokow? Myślicie że lew? Kaj tam! Królym zwierzont, jes Król Julian :)



Boło tam jeszcze wiela inakszych stworzyń.

Jak bydziecie kiejś w Łopolu to zańdźcie do Zoo!


Łostońcie z Bogiym!

Brak komentarzy:

Prześlij komentarz

Etykiety

zdjęcia (982) wiara (550) podróże (411) polityka (325) Pismo Św. (269) rodzina (269) Śląsk (214) humor (206) po ślonsku (187) historia (175) Kościół (157) praca (139) człowiek (135) sprawy społeczne (125) Halemba (122) zabytki (114) muzyka (84) gospodarka (77) książka (75) Ruda Śląska (71) Jan Paweł II (69) ogród (68) filozofia (67) Grupa Poniedziałek (66) sport (57) dziennikarstwo (44) miłosierdzie (40) biurokracja (39) film (33) święci (30) muzeum (27) środowisko (26) varia (24) Papież Franciszek (21) Szafarz (18) teatr (16) św. Jacek (15)