Podug Marka
U Jezusa sebrali sie faryzeusze i poru uczonych we Piśmie, kerzy przibyli ze Jerozolimy. I prziuważyli, że nikere s Jego uczniōw siōngali po jodło zmazanymi, to jest niy ôbmytymi rynkami. Bo faryzeusze, i w ogle Żydy, trzimiōm sie tradycji starszych, niy jedzōm, jak sie rōnk niy ôbmyjōm, z ôtwarciym piyńści. I jak przidōm s rynku, niy jedzōm, jak sie przodi niy ôbmyjōm. Jes jeszcze mocka inkszych zwyczajow, kere przejōnli i kerych pilnujōm, jak ôbmywanie gorczkōw, dzbonkōw i miedzianych talyrzy.
 |
| Naczynia z Qumran - z czasów Jezusa (?) |
Toż spytali Go faryzeusze i uczone we Piśmie: "Czamu Twoje ucznie niy dziołajōm podug tradycje starszych, ino jedzōm zmazanymi rynkami?"
Ôdpedziōł im: "Po prŏwdzie pedzioł ô wos, ôbłudnikach prorok Izajosz, jak stoji napisane: Tyn lud czci mie wargami, a hercym je fort daleko ôdy Mie. A dyć czci Mie po prōżnicy, bo uczy ino przikŏzań wymyślonych bez ludziōw. Cŏfliście przikŏzania Boże, a trzimocie sie ludzkij tradycje".
Wtynczŏs zawołoł zaś ciźba ludziow do Sia i padoł do nich: "Suchejcie Mie mie wszyscy i spokopcie to! Nic niy włazi z zewnontrz do człeka, co by go mogło zrobić niyczystym; ino to co wyłazie z człeka, to go czyni niyczystym. Dyć ze wnyntrza, z ludzkigo herca pochodzōm złe myśli, niyrzond, kradziyjstwo, zabójstwa, cudzołóstwa, kciwość, cygaństwo, ôszustwo, wyłuzdanie, zowiść, soroństwo, pycha i gupota. Cołki to zło ze wnytrza pochodzi i sprowio, co człek je niyczysty".
Ôstōńcie z Bogiym
Brak komentarzy:
Prześlij komentarz