Podug Marka
Jezus prziszli, że swojimi uczniami do dom, ale zaś się zebrała tako mocka ludziōw, że ani nie poradzili się pojeś. Jak to usłyszeli z Jego familije, wziynli się, coby Go zahaltować. Bo dyć gŏdało sie, że misiezdo zwariowoł.
A uczone we Piśmie, kerzy prziszli ze Jerozolimy gŏdali: "Mo Belzebuba i mocom ołbera złych duchōw wyciepuje złe duchy".
Wtynczŏs zawołoł ich ku Sia i gŏdoł im w bojkach: "Jak może Szatan wyciepować Szatana? Jak jakeś krōlestwo je wewnontrz powadzone, to take krōlestwo niy moge sie ôstać. I jak u kogoś w chałpie wszyjscy som powadzyni, to tako chałpa sie niy ôstanie. Toż jak Szatan wystōmpił przeciw sobie i som ze sobōm je powadzony, to niy może sie ôstać i je s nim ślus. Żŏdyn niy poradzi wlyź do chałupy siłocza i go ôbrabować, jak go przodzi niy zwiōnże i dopiyrŏ wtynczŏs może go ôgrabić.
Na zicher wōm godom: Wszyjske grzychy i bluźnierstwa, kerych by sie ludzie dopuściyli, bydōm im przebaczone. Fto by jednak zbluźnioł przeciw Duchowi Świyntymu, nigdy niy dostanie ôdpuszczyniŏ, ino winiyn je grzychu wiecznego. Bo dyć gŏdali: "Mo ducha niyczystego".
Wtynczŏs prziszła Jego Matka i braty i posłali po Niego, coby do nich wylŏz.
 |
| Jego Matka |
A mocka ludu siedziała kole Niego, jak Mu pedzieli: "Dyć Twoja Matka i braty na dworze Cie szukajōm".
Ôdpedzioł im: "Fto je mojōm matkōm i kerzy som mojimi bratami?"
I spojrzoł na tych, co siedzieli kole Niego i padoł: "To je moja matka i moje braty. Bo fto pełni wola Bożo, tyn Mi je bratym, siostrom i matkom".
S Panym Bogiym
Brak komentarzy:
Prześlij komentarz