Czytanie z Ksiyngi Rodzaju
Ponadto Bóg pedzioł: "Niy ma to dobrze, żeby chop boł sōm. Toż wyłōnacza mu stosowno dlŏ niego pomoc."
Ulepioł ze ziymi roztōmajte zwiyrzŏki lōndowe i ptŏki podniebne i Pon Bōg przikludziōł je do chopa, coby ôbejrzeć, jake do im miano. Kożdy zwiyrzŏk dostał ôd niego miano "żywy stwor". I tak chop doł miano gowiedzi, ptŏkōm, co furgajōm i wszelakim dzikim zwiyrzŏkōm, ale niy znŏdła sie pomoc stosowno dlŏ chopa.
Toż Pon Bōg sprawioł, że chop usnōł na fest. I jak społ wyjōn mu jedno żebro, a miejsce te zaciepoł ciałym. Ze tego żebra Pon Bōg wyłōnaczoł baba. A jak ja przikludziōł do chopa, chop pedzioł: " Ta dopiero je kościom ze mojich kości i ciało z mojigo ciała! Tyj dom na miano "niywiasta", bo je s chopa wziynto.
Beztōż chop ôstawio matka i ôjca i ônczy sie ze swojōm żonom tak fest, że ôboje sōm jednym ciałym.
Czytanie z Listu do Hebrajczykow
Bracia:
Widzymy Jezusa, kery mało co ôd janiołow boł myńszy, kwałōm i czciom uwieńczonego za mynka śmierci, iże z łaski Boskij zaznoł śmierci za kożdego człeka. Dyć przistało Tymu, dlŏ kerego wszyjsko i bez kerego wszyjsko je, kery wielu synōw dlŏ kwały przikludzŏ, coby przewodnika ich zbŏwiynia wydoskonaloł bez ciyrpiynie. Dyć tak tyn, kery uświynco, jak i ci, kerzy majom być uświyńcyni, ôd Jednego wszyscy pochodzōm. Bez toż niy ma mu hańba mianować ich swojimi bracikami.
Ôstōńcie z Bogiym
Brak komentarzy:
Prześlij komentarz