Czytanie z Ksiyngi proroka Izajasza
Spodobało sie Ponu zmiażdżyć swojigo Sugi ciyrpiyniym. Jak Ôn ôddo swōj żywot na ôfiara za grzychy, zoboczy potomkow, dni swoje wyduży, a Pońsko wola wyłōnaczy sie przez Niego. Po udrynkach swyj duszy ôboczy światło i nim sie nasyci. Sprowiedliwy mŏj Suga usprowiedliwi mocka ludziow, ich bezecyństwa Ôn sōm bydzie dźwigoł.
Czytanie z Listu do Hebrajczykow
Mōmy arcykapłana wielgigo, kery przeszoł bez niybiosa, Jezusa, Syna Bożego, toż trwejmy na fest we wyznŏwaniu wiary. Dyć niy takigo mōmy arcykapłana, kery by niy poradziōł współczuć naszym słabiznom, a takigo, kery boł poddany probie pod kożdym wzglyndym, blank tak, jak my - za wyjōntkym grzychu. Toż przibliżmy sie z ufnościom do tronu łaski, cobyśmy doznali miłosierdzia i znodlli łaska pomocy wtynczŏs, kiej trza.
Brak komentarzy:
Prześlij komentarz