Czytanie z Ksiyngi proroka Jerymiosza
Tak gŏdŏ Pon: "Wykrzykujcie radośnie na cześ Jakuba, weselcie sie piyrszōm ze wszystkich nacyjow! Głoście, wychwŏlejcie, gŏdejcie: Pon wybawioł swōj lud, Reszta Izraela!
Toć skludza ich z ziymi pōłnocnyj i zgarna ich cuzamyn z końca świata. Som miyndzy nimi ślepcy i kalyki, baba przi nadzieji, ze tom kero prawie co urodziyła: wrŏcajōm sie wielkom mockōm ludziow.
Dyć wyszli ze płaczym, ale ze pociechom ich skludza nazot. Prziwieda ich do strumiynia wody prostōm drogōm - niy przepadnōm na nij.
Toż Jŏ je ôjcym dlŏ Izraela, a Efraim je mŏj synek piyrworodny.
 |
| Prostom drogom |
Czytanie z Listu do Hebrajczykow
Kożdy arcykapłan spōmiyndzy ludziow je brany, dlŏ ludziow je ustanowiony w sprawach kere się ôdnoszōm do Boga, coby skłŏdoł ôfiary za grzychy. Może ôn współczuć tym, kerzy niy wiedzōm i sie tracōm, skuli tego, że sōm mŏ słabizny. I skuli nich pasuje, coby i za lud i za siebie samego skłŏdoł ôfiary za grzychy. A żŏdyn sōm ze siebie niy biere tyj godności, ino tyn, co je powołany bez Boga jak Aaron.
Blank tak samo i Krystus niy sōm z siebie ôkrył sie kwałōm bez toż, że stoł sie arcykapłanym, ale wyłōnaczoł to Tyn, kery pedzioł do Niego: Tyś je mŏj Synek, Jŏ Cie dziś zrodziōł" i na inkszym miejscu: "Tyś je kapłan na wieki na szymel Melchizedeka".
Ôstōńcie z Bogiym
Brak komentarzy:
Prześlij komentarz