Podug Jona:
Jezus pedzieli do swojich uczniow:
"Jak Mie pszaje Ôjciec, tak i Jŏ wōm pszaja. Trwejcie we mojij miłości! Jak bydziecie zachowywać moje przikŏzania, bydziecie trwać w mojij miłości, blank tak samo, jak Jŏ zachowuja przikŏzania mojigo Ôjca i trwōm w Jego miłości.
 |
| Ôbroz Antoniego Cygana |
To żech wōm pedzioł, coby moje radowanie w wos boło i coby wsze radowanie boło festelne.
To je moje przikŏzanie, cobyście sie miyndzy sobōm pszoli, tak, jak Jŏ wōm pszaja. Żŏdyn niy mŏ wiynkszyj miłości ôd tyj, jak ftoś ôddowo swoji życie za swojich pszocieli.
Wyście sōm mojimi pszocielami, jak czynicie to, co wōm przikazuja. Już wos niy mianuja sugami, bo suga niy wiy, ô co sie rozchodzi jego ponu, ale mianuja wos pszocielami, bo żech wōm pedzioł wszyjsko, co żech usłyszoł ôd mojigo Ôjca.
Niy wyście Mie wybrali, ale Jŏ wos wybroł i przeznaczoł żech wos na to, cobyście szli i przinosiyli ôwoc, i coby wasz ôwoc trwoł - coby Ôjciec doł wōm wszyjsko, ô co Go poprosicie bez moje miano. Toż wōm przikazuja, cobyście sie wzajym pszoli.
S Panym Bogiym
Brak komentarzy:
Prześlij komentarz