sobota, 6 stycznia 2018

Ewangelijo po ślōnsku #70

Padug Mateusza:

Jak Jezus urodziōł się w Betelejym w Judeji za krōla Heroda, toż do Jerozolimy prziszli ze Wschodu Myndrcy i pytali: Kaj je nowo narodzony Krōl żydowski? Ôbŏczyli my na wschodzie Jego gwiŏzda i prziszli my ôddać mu pokłon.

Jak to usłyszoł krōl Herod, wystrachōł sie ze cołkōm Jerozolimom. Zawołoł gipko wszyjskich arcykapłanōw i uczonych ludu i pytoł ich, kaj sie mŏ narodzić Mesyjosz. Ci mu ôdpedzieli: We Betlejym judzkim, bo tak stoji napasane u Proroka: a ty, Betlejym, ziymio Judy, niy je żeś nojlichsze pōmiyndzy miastami Judy, skirz tego, że s ciebie wyjdzie władzca, kery bydzie pastyrzym mego ludu, Izraela.

Toż Herod zawołoł po cichu myndrcow i wywiedzioł sie ôd nich na zicher, kiej pokŏzała sie gwiŏzda. Posłoł ich do Betlejym i padoł: Jedźcie tam i pytejcie ô Dzieciōntko, a jak je znojdziecie, dejcie mi znać, coby i jŏ mōg pojechać sie Mu pokłonić. I ôni tak zrobiyli.

A gwiozda, kero widzieli na Wschodzie, zaś szła przed nimi, aże prziszła i zahaltowała sie nad placym, kaj bōło Dzieciōntko. Jak zoboczyli gwiŏzda, fest sie uradowali. Wleźli do dom, kaj zoboczyli Dzieciontko z Jego Matkom, Maryjkom. Padli na gymby i łoddali Mu pokłon. I łotwarli swoje skarby, dali Mu podarki: złoto, kadzidło i mira.

Fragmynt naszyj domowyj betlyjki


Na spaniu dostali przikoz, coby niy iś curik do Heroda i innom drogom wrociyli sie do dom.



S Panym Bogiym






Brak komentarzy:

Prześlij komentarz

Etykiety

zdjęcia (2555) wiara (1072) podróże (894) polityka (690) Pismo Św. (675) po ślonsku (440) rodzina (400) Śląsk (389) historia (371) Kościół (344) zabytki (313) humor (294) Halemba (261) człowiek (233) książka (203) praca (203) święci (187) muzyka (184) gospodarka (169) sprawy społeczne (169) Ruda Śląska (138) Grupa Poniedziałek (111) ogród (106) filozofia (104) Jan Paweł II (103) Covid19 (89) miłosierdzie (82) muzeum (76) środowisko (76) dziennikarstwo (73) sport (73) film (66) wojna (55) biurokracja (54) Papież Franciszek (53) Szafarz (43) dom (38) varia (36) św. Jacek (31) teatr (29) makro (7)