poniedziałek, 4 września 2017

Tyta i szkolno ławka

Tak jak zaś dzisiej, jo tyż chodzioł do szkoły podstawowyj łoziym lot: łod 1976 do 1984. Mi akurat tak trefiyło, że u nos z blokow przi Kłodnicy musioł żech codziynnie drałować na Staro Halymba do szkoły im. Ludwika Waryńskiego przi ul. Engelsa - godom Wom, same komunisty.

Mimo to, nasze rechtory cosik nos tam nauczyły.

Do szkoły chodziyli my w mundurkach, a na nich i na kurtkach, cwitrach czy mantlach musieli my mieć tarcze, coby kożdy wiedzioł skond my som, jakby my cosik zgłobiyli.

We piwnicy boła szatnia, kaj my sebuwali szczewiki.

We klasach mieli my take ławki:

W Muzeum Powstań Śląskich


A dzisioj nasz modszy synek szoł do piyrszyj klasy i dostoł tyta.

Tyta

Co s tego, że już idzie do liceum? Tyta sie należy, pra?

U niego we szkole niy ma już takich ławek, jak ze tyj fotki, kero żech knipsnoł w Muzeum Powstań Śląskich.

Ale jo wierza, że jego rechtory tyż go cosik mondrego ło świecie nauczom.


Łostońcie z Bogiym




Brak komentarzy:

Prześlij komentarz

Etykiety

zdjęcia (2555) wiara (1072) podróże (894) polityka (690) Pismo Św. (675) po ślonsku (440) rodzina (400) Śląsk (389) historia (371) Kościół (344) zabytki (313) humor (294) Halemba (261) człowiek (233) książka (203) praca (203) święci (187) muzyka (184) gospodarka (169) sprawy społeczne (169) Ruda Śląska (138) Grupa Poniedziałek (111) ogród (106) filozofia (104) Jan Paweł II (103) Covid19 (89) miłosierdzie (82) muzeum (76) środowisko (76) dziennikarstwo (73) sport (73) film (66) wojna (55) biurokracja (54) Papież Franciszek (53) Szafarz (43) dom (38) varia (36) św. Jacek (31) teatr (29) makro (7)