Podle Mateusza:
Pyjter prziszoł do Jezusa i Go spytoł: "Ponie, wiela razy idzie przebaczyć, jak mi ftoś zrobioł na skwol? Czy aże siedym razy?"
Jezus mu łodpedzioł: "Niy godom ci, że aże siedym razy, ino aże siedymdziesiont siedym razy.
Beztoż krolestwo niybieske je podane na krola, kery kcioł sie rozliczyć ze swojimi sługami. Jak sie zaczon rozliczać przyprowadziyli mu jednego, kery boł mu winiyn dzisiyń tysiyncy talyntow. Skuli tego, że niy mioł s czego wrocić, pon kozoł go przedać cuzamyn z babom i dzieckami i cołkim jego kustym, coby borg dostać wek.
No toż sługa pod na klynczki i go prosioł: "Zetrwej trocha, a wszysko ci łoddom." Pon sie nad nim zlitowoł, puścioł go wolno, a należnoś mu blank darowoł.
Ja, ale ino jak tyn istny stamtond wyloz, trefioł na jednego chopa, kery boł mu winiyn sto dynarow. Chycioł go za szlabiker i wrzeszczoł: "Gipko dowej mi nazot, coś winiyn". Tyn pod przed nim na klynczki i prosioł: "Zetrwej trocha, a wszysko ci łoddom." Tyn jednak niy kcioł, ino wciep go do haresztu, póki niy łoddo nazleżności.
Inksze chopy jak to łobejrzeli fest sie zafrasowali. Poszli tyż i łopedzieli, co sie stało swymu panu.
W tyn czos pon go wezwoł i mu padoł: "Pieroński chachorze! Toż jo ci podarowoł cołko twoja należność, boś mie prosioł. Przeca i ty powiniyn żeś zrobić tak samo i zlitować sie nad tym drugim tak, jak jo sie zlitowol nad tobom, ja?" I fest sie znerwowoł, kozoł go wciepać katom, póki niy łoddo, co przodzi boł winiyn.
Tak samo wom zrobi Łojciec moj niybieski, jak kożdy z wos niy przebaczy z herca swojymu bratu.
S Panym Bogiym
Brak komentarzy:
Prześlij komentarz