Podug Mateusza:
Jak Jōn usłyszoł w hereszcie ô tym, co ônaczōł Jezus, posłoł swojich uczniōw, coby sie Go spytali: "Eli Tyś je Tyn, kery mŏ prziś, czy mōmy czekać na inkszego?" Jezus im ôdpedzioł: "Idźcie nazŏd i powiydzcie Janowi to, co sam słyszycie i na co gaftocie: ślepcy nazŏd widzom, kalyki chodzōm, tryndowate zostowajōm czyste, guche słyszōm, umarlŏki zmartychwstajōm, a biydokom głosi sie Wanielijo. A bogosławiōny je tyn, kery niy zwontpi wy Mie".
 |
| Św. Jōn Krzciciel ze Bazyliki na Lateranie |
Jak ôni szli nazŏd, Jezus zaczli gŏdać do ciźby ô Jōnie: "Co żeście prziszli ôbejrzeć na pustyni? Chabaź, kery targŏ wiater? Dyć co prziszliście ôboczyć? Chopa ôbleczonego we miyntke szaty? Dyć we krōlewskich zōmkach sōm ci, co sie noszom we miyntkich szatach. Toż po co żeście wyleźli? Ôboczyć proroka? Ja, godom wōm, nawet cosik wiyncyj niźli proroka. Ôn je tym, ô kerym naszkryflali: "Toż Jŏ posyłōm mojigo umyślnego przed Tobōm, coby narychtowoł Ci droga". Na zicher wōm godom: Pōmiyndzy narodzonymi ze niywiastōw niy stanōł wiynkszy ôd Jōna Krzciciela. A dyć nojmyńszy we krōlestwie niybieskim, wiynkszy je niźli łon".
Ôstōńcie z Bogiym
Brak komentarzy:
Prześlij komentarz