Czytanie z Ksiyngi proroka Sofoniasza
Wyśpiywuj, Cero Syjońsko! Podniyś radosne larmo, Izraelu! Raduj sie i wesel ze cołkigo herca, Cero Jeruzalym! Ôddaloł Pōn wyroki na ciebie, wyciep twojigo niyprzŏciela; Krōl Izraela, Pōn, je cuzamyn s tobōm, niy bydziesz sie już strachała złego.
Bez tyn dziyń pedzom Jerozolimie: "Niy strachej sie, Syjonie! Niych ci rynce niy lecōm!" Pōn, twōj Bōg je cuzamyn s tobōm, Siłōcz, kery zbawio, uniesie sie weselym nad tobōm, ôdnowi cie swojim pszajaniym, zakrziknie z radości.
Czytanie z Listu Świyntego Pawła Japostoła do Filipian
Bracia:
Radujcie sie porzōnd w Pōnu; godōm wōm: radujcie sie! Niych wszyjscy widzom waszŏ wyrozumiało łagodnoś: Pōn je po blisku!
Ô nic sie już niy starejcie, ino w kożdyj sprawie wasze prośby przedstŏwiejcie Bogu bez rzykanie i proszynie z dziynkczyniyniym, a pokōj Boży, kery je wiynkszy niż roztōmajte deliberowania, bydzie wachowoł waszych herc i pomyślunku w Krystusie Jezusie.
 |
| Roraty |
Ôstōńcie z Bogiym
Brak komentarzy:
Prześlij komentarz