22 lata po ślubie

Łokropny zy mie chop.

• Warzyć niy poradza, ale przinajmij zjym wszysko, co dostana.
• Lubia łazić w czystych ciuchach, a nawet niy wiym, jak włonczyć pralka i kaj nasuć proszku.
• Codziyń mom pobiglowano koszula i galoty, a som tego niy robia.
• W chałpie czasym połodkurzom, ale żeby powyciyrać, to mie niy ma.
• Łokyn niy wypucuja.
• Dzieckom w lekcjach niy pomoga, bo moja je belfrym, to sie na tym lepij zno.
• Jak sie napija piwa, to ani kusika niy moga dać, jak już leżymy w bambetlach.
• Co kwila niy ma mie w doma, bo sie kasik smykom (jak tera) i wszysjko zostawiom na jejij gowie.

A mimo to, moja ślubno wytrzymała zy mnom 22 roki. Jutro momy rocznica. Poradzicie w to uwierzyć?

Moj ślubny ring

Myśla, że mi fest pszaje, bo inaczyj by mie już downo z chałpy wyciepła i z kustu wypisała, bo przeca łokropny zy mie chop.

Łostońcie z Bogiym

P.S. Jakby ftoś kcioł za naszo familijo porzykać, to momy mszo łobstalowano we niydziela na poł dziesionto na Halymbie dwa.