Padug Mateusza:
Jak Jezus urodziōł się w Betlejym w Judeji za krōla Heroda, toż do Jerozolimy prziszli ze Wschodu Myndrcy i pytali: Kaj je nowo narodzony Krōl żydowski? Ôbŏczyli my na wschodzie Jego gwiŏzda i prziszli my ôddać mu pokłon.
Jak to usłyszoł krōl Herod, wystrachōł sie ze cołkōm Jerozolimōm. Zawołoł gibko wszyjskich arcykapłanōw i uczonych ludu i pytoł ich, kaj sie mŏ narodzić Mesyjōsz. Ci mu ôdpedzieli: We Betlejym judzkim, bo tak stoji napisane u Proroka: a ty, Betlejym, ziymio Judy, niy je żeś nojlichsze pōmiyndzy miastami Judy, skirz tego, że s ciebie wyjdzie władca, kery bydzie pastyrzym mego ludu, Izraela.
Toż Herod zawołoł po cichu myndrcōw i wywiedzioł sie ôd nich na zicher, kiej pokŏzała sie gwiŏzda. Posłoł ich do Betlejym i padoł: Jedźcie tam i pytejcie ô Dzieciōntko, a jak je znojdziecie, dejcie mi znać, coby i jŏ mōg pojechać sie Mu pokłonić. I ôni tak zrobiyli.
A gwiozda, kero widzieli na Wschodzie, zaś szła przed niymi, aże prziszła i zahaltowała sie nad placym, kaj bōło Dzieciōntko. Jak zoboczyli gwiŏzda, fest sie uradowali. Wleźli do dom, kaj zoboczyli Dzieciōntko s Jego Matkom, Maryjom. Padli na ziym i ôddali Mu pokłon. I ôtwarli swoje skarby, dali Mu podarki: złoto, kadzidło i mira.
 |
| Misiezdo przijechali na kamelach |
Na spaniu dostali przikŏz, coby niy iś curik do Heroda i inakszōm drogom wrōciyli sie do dom.
Ôstōńcie z Bogiym
Brak komentarzy:
Prześlij komentarz