niedziela, 17 czerwca 2018

Biblia po ślōnsku 4

Czytanie ze Ksiyngi proroka Ezechiela

Tak gŏdŏ Pon Bōg: "Jŏ wezna tyż wiyrzchołek z wysokego cedru i zrobia s niego flanca, ze nojwiynkszych jego witkow ajchna chabina i ja posadza na gorze festelnyj i wielgij.

Na wielgij gorze izraelskij ja posadza. Ôna wypuści chabiny i wydŏ ôwoc, i wyłonaczy sie na piykny cedr. Ptŏki pod nim zamiyszkajōm i wszyjsko, co furgŏ schowo sie w ciyniu pod chabinami.

I wszyjske drzewa na dworze sie spokopiōm, że Jŏ je Pon, kery poniżo drzewo wielge, kery drzewo małe wywyższo, kery sprawio, że drzewo zielone zesycho i kery zieloność dowo drzewu suchymu. Jŏ Pon, to godom i to zrychtuja".

Drzewo


Czytanie ze Drugigo Listu Świyntego Pawła Japostoła do Koryntian

Bracia:
Mōmy ufność i wiymy, ze jak dugo dychōmy w ciele, sōm my pōntnikami, daleko ôd Pona. Dyć podug wiary, a niy skuli widzyniŏ sie sprawujymy. Mōmy tyż nadzieja i chcieliby my raczyj ôpuścić nasze ciało i stanōńć w ôbliczu Pona.

Bez toż kcymy sie mu przichlybić na jedno czy s Nim, czy daleko ôd Niego my sōm. A dyć wszyjscy muszymy sie zameldować przed Chrystusowym trybunołym, coby kożdy erbnōł geltak za to, jak my sie sprawowali w ciele: źle abo dobrze.



Ôstōńcie z Bogiym












Brak komentarzy:

Prześlij komentarz

Etykiety

zdjęcia (1336) wiara (630) podróże (501) polityka (409) Pismo Św. (377) rodzina (290) po ślonsku (284) Śląsk (257) humor (217) historia (213) Kościół (177) zabytki (160) człowiek (158) Halemba (157) praca (155) sprawy społeczne (136) muzyka (105) Ruda Śląska (98) gospodarka (97) książka (92) ogród (77) Grupa Poniedziałek (75) filozofia (74) Jan Paweł II (70) sport (66) dziennikarstwo (49) miłosierdzie (47) biurokracja (45) święci (45) film (39) środowisko (37) muzeum (34) varia (31) Papież Franciszek (26) Szafarz (21) św. Jacek (19) teatr (16) dom (2) makro (1)