czwartek, 29 czerwca 2017

Biblia po śląsku

Już od wielu tygodni publikuję tutaj moje autorskie tłumaczenie Ewangelii - fragmentów przypadających na poszczególne niedziele. 

Ponieważ dziś jest święto Piotra i Pawła, pozwolę sobie przetłumaczyć na naszo godka, ale nie fragment Ewangelii, a Dziejów Apostolskich:


W tyn czos Herod zaczon festelnie dokuczać nikerym ze Kościoła. Ścion gowa Jakubowi, bratowi łod Jona, a jak sie zmiarkowoł, że sie to podobo Żydom, wsadzioł do haresztu Pyjtra. A boły to dni Przaśnikow. Jak go chycioł, zawar w hareszcie i wyłonaczoł sztyry łoddziały, po sztyrech wachtyrzy kożdy, bo kcioł po Świyńcie Paschy go łoddać ludziskom.

No toż wachowali Pyjtra w hareszcie, jak trza, a Kościol pożond rzykoł za niego do PonBóczka.

Wszyjsko sie dzioło we Jerozolimie, kero dzisioj tak wyglondo


Bez noc, po keryj Herod mioł go wydać, Pyjter, skuty podwójnom ketom, społ miyndzy dwoma wojokami, a wchtyrze dowali pozor na hareszt przi bramie.

Łoroz zjawioł sie janioł Pański i zrobioło sie w hareszcie jak po jasnoku. Żduchnoł Pyjtra, coby go zbudzić i pedzioł: "Stowej gipko!" A z rynkow Pyjtra sleciały kety.

"Łoblycz sie i łobuj zandale!" - pedzioł mu janioł. 
 A jak to zrobioł, to mu pedzioł: "Wciepnij sie mantel i poć sy mnom!"

No toż wyloz i szol za nim, ale niy wiedzioł czy je monter i czy janiol je na prowda czy ino mu sie zdo. Minyli piyrszych i drugich wachtyrzy i prziszli ku żylaznyj bramie, kero wyłazioła na miasto. Ta sie sama łotwarła przed nimi. Toż wyleźli przeszli jedna ulica i janioł sie stracioł.

Wtedy Pyjter sie łopamiyntoł i pado: "Ja, teraz to wiym na zicher, że Pon posłoł swojego janioła i wyciong mie z haresztu łod Heroda i z tego wszyjskego, co sie nawynokwiali Żydy".




S Panym Bogiym



3 komentarze:

  1. To je super na pewno kupa szrajbowanio . Szacunek za twoja bezinteresowno robota dzięki

    OdpowiedzUsuń
    Odpowiedzi
    1. Jak ino komu je to bliżyj herca, to mi to styknie. Szczyńś Boże!

      Usuń
  2. Ty piszesz, "przeszli jedna ulica", a sie godo droga abo strassa.

    OdpowiedzUsuń

Etykiety

zdjęcia (2555) wiara (1072) podróże (894) polityka (690) Pismo Św. (675) po ślonsku (440) rodzina (400) Śląsk (389) historia (371) Kościół (344) zabytki (313) humor (294) Halemba (261) człowiek (233) książka (203) praca (203) święci (187) muzyka (184) gospodarka (169) sprawy społeczne (169) Ruda Śląska (138) Grupa Poniedziałek (111) ogród (106) filozofia (104) Jan Paweł II (103) Covid19 (89) miłosierdzie (82) muzeum (76) środowisko (76) dziennikarstwo (73) sport (73) film (66) wojna (55) biurokracja (54) Papież Franciszek (53) Szafarz (43) dom (38) varia (36) św. Jacek (31) teatr (29) makro (7)