Podug Łukasza:
Jezus wyznaczoł jeszcze inkszych siedymdziesiyńciu dwóch uczniōw i posłoł ich po dwóch przed sobōm do kożdego miasta, kaj som kcioł przijś.
Pedzioł tyż do nich: "Żniwo po prŏwdzie sroge, ino robotnikōw mało. Toż proście Pōna żniwa, coby wysłoł robotnikōw na swoje żniwo.
 |
| Żniwo po prŏwdzie sroge |
Idźcie! Dyć posyłōm wos jak łowce pōmiyndzy wilki.
Niy biercie ze sobōm portmanyja ani taszy, ani zandalōw i żŏdnego po drodze niy pozdrowiejcie. Jak wleziecie do jakijś chałpy, nojprzōd rzeknijcie: Pokōj tymu domowi. Jak tam miyszkŏ człek godny pokoju, wasz pokōj spocznie na nim. Jeśli niy, wrōci curik do wos. W tyj samyj chałpie ôstōńcie i jydzcie i pijcie, co wōm dajōm, bo wort je robotnik swojigo geltaku. Niy szwyndejcie sie ôd chałpy do chałpy. Jak wleziecie do jakigoś miasta i wos przijmōm, jydzcie, co wōm dajōm, uzdrowiejcie niymocnych, kerzy tam sōm i gŏdejcie im: Przibliżyło sie do wos krōlestwo Boże".
Ôstōńcie z Bogiym
Brak komentarzy:
Prześlij komentarz