czwartek, 18 sierpnia 2016

Ślonzok w Toruniu

Możno już wiycie, boch sie asioł, że boł żech we tym tydniu we Toruniu.

Niby to doś daleko, ale tam je choby u nos na Ślonsku.

Zum bajszpil na Rynku to majom, jak u nos we Chorzowie. Podziwejcie się: we Chorzowie postawiyli sie piykny pomnik fusbalera, naszego Gerarda Cieślika.

Fusbaler we Chorzowie

Zaś we Toruniu szarpli sie dlo szpanu tyż szportowca, ale łon je chyba handbalista (łod wczoraj to je fest w zocy), bo bal trzymo we rynkach.

Handbalista w Toruniu

Jak poszukać we mondrych ksionżkach, to istny sie nazywoł Kopernik i groł w downych czasach w lidze światowyj. Normalnie boł nojlepszejszy we swojm fachu i - dejcie pozor - blank pozmiynioł reguły gry.

Choć jak żech sie przyjrzoł bliżyj, na kecki i gymba z lokami, to jo niy wiym, czy niy mioł recht tyn co pedzioł, że "Kopernik też była kobietą".

Co tam jeszcze?

We Toruniu majom szkody górnicze, jak pieron. Łoboczcie, jak im tyn dom ajchło:

Krziwo wieża

U nos to je normalne, ale my, jak nom sie chałpa skrziwi, to jom prostujymy. Zeszły miesionc na tyn przyklod wyprościyli szula we Kochlowicach. Teraz zaś nazod trzimo pion, ino na downy parter włazi sie po słodach.

We Toruniu sie skrziwiło, a łoni to tak łostawiyli, Trocha to dziwne.


Tak czy inaczyj, jakbyście mieli łokazyjo pojechać do Torunia, to polecom - piykne miejsce!



Łostońcie z Bogiym!





2 komentarze:

  1. A pierniki lepsze niż te od Widery?

    OdpowiedzUsuń
    Odpowiedzi
    1. Te ichnie pierniki były richtik fest dobre, ale makronowo takich, jak łod Widery - ani jednego :)

      Usuń

Etykiety

zdjęcia (1036) wiara (562) podróże (415) polityka (342) Pismo Św. (279) rodzina (271) Śląsk (229) humor (207) po ślonsku (198) historia (186) Kościół (159) człowiek (140) praca (140) Halemba (129) sprawy społeczne (127) zabytki (124) muzyka (91) gospodarka (83) książka (81) Ruda Śląska (80) Jan Paweł II (69) filozofia (69) ogród (69) Grupa Poniedziałek (67) sport (57) dziennikarstwo (45) biurokracja (40) miłosierdzie (40) film (33) święci (33) środowisko (29) muzeum (28) varia (25) Papież Franciszek (21) św. Jacek (19) Szafarz (18) teatr (16)