czwartek, 4 sierpnia 2016

Polscy uchodźcy na Śląsku

U nos na Ślonsku my mieli uchodźcow łodkond pamiyntom.

Terozki na łobcych rozotomajcie godajom, nawet niy byda tego powtorzać. My za bajtla na emigrantow godali prosto: GOROLE.

Typowy pokój uchodźcy - gorola odtworzony w Muzeum Śląskim w Katowicach


Skond łone przyleźli? Z Polski. Czy ich tam w Polsce wyciepowali, mynczyli abo robili im cosik naskwol? Niy wiym. Ale mi sie zdo, że łoni to wszyjske byli emigranty zarobkowe. Łoni sam przyjyżdżali, coby robić na werku, na grubie abo nawet we magistracie (bo Ślonzokow do urzyndow to za bardzo niy kcieli, ale to już inkszo godka).

Trza pedzieć, że nasze gorole doś dobrze sie, jak sie to godo, asymilowali. Wiela w tych czasach naszych frelek wyjszło za goroli, to ino łone same wiedzom. Za to po ślubie, taki gorol gibko sie musioł pomiarkować, że u nos tradycyjnie panuje matriarchat. Jak niy poradzioł spokopić, to łona go praskła nudelkulom i już gibko przyjmowoł miejscowe porzondki.

Na placu to my musieli takego małego gorolika nauczyć godać po naszymu, bo taki gizd niy wiedzioł we piaskownicy co to je kibelek, abo jak sie szczylo elwer.


Boły tyż u nos te same problymy, jak majom terozki Niymce abo Francuzy. Tyż robioły sie getta i dzielnice, kaj normalny człowiek niy chodzioł. U nos na Halymbie kożdy wiedzioł, że łod hotelowcow za kościołym, trza sie czimać z daleka. Tam szło za nic dostać po gymbie abo w łeb flaszkom, kero ktoś wyciep bez łokno. Trocha to zetrwało, zanim gorole prziwykli do cywilizacyji.


Dali my sie jednak s nimi rada i myśla, że koniec końców wszyjskim to wyjszło na dobre: i nom Ślonzokom i uchodźcom z Polski.



Łostońcie z Bogiym!



1 komentarz:

  1. Ja, taki pokój "uchodźcy" był we hotelu robotniczym co u nos mioł miano wulc.
    Teroski "wulc" godajom tyż na zaniydbanego chopa.
    A ło całyj sprawie fajno śpiywka mo Respondek "Na Górnym Śląsku całymi dniami..."

    OdpowiedzUsuń

Etykiety

zdjęcia (938) wiara (542) podróże (404) polityka (312) rodzina (267) Pismo Św. (261) Śląsk (209) humor (200) po ślonsku (178) historia (166) Kościół (154) praca (138) człowiek (132) sprawy społeczne (118) Halemba (116) zabytki (113) muzyka (78) książka (74) gospodarka (72) ogród (68) Ruda Śląska (67) Grupa Poniedziałek (66) filozofia (64) Jan Paweł II (59) sport (55) dziennikarstwo (43) miłosierdzie (40) biurokracja (38) film (31) święci (29) muzeum (27) środowisko (26) varia (23) Papież Franciszek (21) Szafarz (18) teatr (15) św. Jacek (14)