Polscy uchodźcy na Śląsku

U nōs na Ślōnsku my mieli uchodźcōw ôdkond pamiyntōm.

Terŏzki na ôbcych roztōmajcie gŏdajōm, nawet niy byda tego powtŏrzać. My za bajtla na ymigrantōw gŏdali prosto: GOROLE.

Typowy pokój uchodźcy - gorola odtworzony w Muzeum Śląskim w Katowicach

Skōnd ône przyleźli? Z Polski. Czy ich tam w Polsce wyciepowali, mynczyli abo robili im cosik naskwōl? Niy wiym. Ale mi sie zdŏ, że ôni to wszyjske byli ymigranty zarobkowe. Ôni sam przyjyżdżali, coby robić na werku, na grubie abo nawet we magistracie (bo Ślōnzŏkōw do urzyndōw to za bardzo niy kcieli, ale to już inkszo gŏdka).

Trza pedzieć, że nasze gorole doś dobrze sie, jak sie to gŏdŏ, asymilowali. Wiela w tych czasach naszych frelek wyjszło za goroli, to ino ône same wiedzom. Za to po ślubie, taki gorol gibko sie musioł pomiarkować, że u nos tradycyjnie panuje matriarchat. Jak niy poradził spokopić, to ôna go praskła nudelkulōm i już gibko przyjmowōł miejscowe porzōndki.

Na placu to my musieli takego małego gorolika nauczyć gŏdać po naszymu, bo taki gizd niy wiedzioł we piaskownicy co to je kibelek, abo jak sie szczylo elwer.

Boły tyż u nos te same problymy, jak majom terŏzki Niymce abo Francuzy. Tyż robioły sie getta i dzielnice, kaj normalny człowiek niy chodziōł. U nos na Halymbie kożdy wiedzioł, że ôd hotelowcōw za kościołym, trza sie czimać z daleka. Tam szło za nic dostać po gymbie abo w łeb flaszkom, kero ktoś wyciep bez ôkno. Trocha to zetrwało, zanim gorole prziwykli do cywilizacyji.

Dali my sie jednak s nimi rada i myśla, że koniec końców wszyjskim to wyjszło na dobre: i nom Ślōnzŏkōm i uchodźcom z Polski.

Ôstońcie z Bogiym!