Po ślonsku na poważnie

Po ślonsku to je ciynżko cosik pedzieć niy do gupot, ino na poważnie.

Niy ma sie co dziwować. Nawet jak w doma godomy, to tak już nos nauczyli, że we szkole, w urzyndzie, w kościele abo w robocie godo sie po polsku (w robocie jeszcze nikerzy godajom, ale to zoleży łod roboty).

Dlo jakijś ferajny, tak publicznie to po slonsku idzie godać, abo jake bery i bojki, trocha, jak dziwowanie sie Indianerom kasik w rezerwacie - momy nawet co roku tako mecyjo, co sie nazywo "Ślązak Roku". Misiezdo, że boło w zeszło niydziela.

Ślązak Roku 2013

Po ślonsku jeszcze idzie godać wice i robić sie jajca, jak kabarety cumbajszpil: Kabaret Rak czy Młodych Panów.

Po naszymu jeszcze idzie śpiywać zicpolki, abo niby w wersji bardzij cywilizowanyj (czytej: spolszczonyj) cuzamyn ze Zespołym "Śląsk".

Jejich busym my razjzowali po Italije

A idzie po ślonsku pedzieć coś na serio, na poważnie? Przeca my Ślonzki som my tyż poważne ludzie. Pra?

Łostońcie z Bogiym