Dejcie pozōr na tako ekologia

Ponoć dziś je Dziyń Rodnij Godki, po polsku by to szło pedzieć "Dzień Języka Ojczystego".

Tak mi trefiōło, że go ôbchodza prawie we Warszawie. Miyszkōm we hotelu na Wilanowie we takij fest nowoczesnyj chałpie. Sam je tak nowocześnie, że ôkna, kere zaczyno się ôd zola i kończy na gipsdece, niy idzie ôtworzyć, coby trocha izba wyluftować.

Misiezdo, że to skuli tego, coby chałpa boła ekologiczno i niy traciōła hicu. Jõ jednak tak sie medykuja, że tako ekologia to je ô kant dupy roztrzaś, bo coby mieć świeży luft, to jõ musiōł zapuścić klima i zużywać sztrōm.

Jakby tego bōło mało, ściany sam majōm chyba ze papyndekla (możno tyż ekologiczne ze makulatury) i musza suchać wszyjsko, co gōdajom we poprzednij izbie. A niy je to wcale przijymne, bo rodnio gōdka somsiadōw je doś biydno i co druge słowo zaczyno się na k... 

Tak mi się zdo, że to je taki sōm maras we jynzyku, jak sadze, smrōd ze koksowni i inksze zgniłe jajca w lufcie.

Dejcie sie pokōj z takōm ekologiōm.

To godōm jõ, Ślōnzok, kery wiy, co to znaczy żyć we ôszkliwym środowisku.