Wanielijo po ślōnsku #188

Podug Jona:

We synagodze we Kafarnaum Jezus pedzieli: "Moje Ciało je po prŏwdzie jedzyniym, a moja Krew je po prŏwdzie piciym". 

Synagoga w Kafarnaum

Mocka s Jego uczniow, kerzy to usłyszeli, gŏdało: "Ciynżko je ta gŏdka. Fto to umi suchać?"

Dyć Jezus wiedzioł, że Jego ucznie na to pomstowali i sie ich spytoł: "To wos gorszy? A jak zoboczycie Syna Człowieczego, jak wstympuje tam, kaj boł pryndzyj? Dyć Duch dŏwŏ życie; ciało na nic sie niy zdŏ. Słowa, kere żech wom pedzioł, som duchym i życiym. Ino że som s wami tacy, kerzy niy wierzom."

Jezus ôd poczōntku wiedzioł, kerzy niy wierzōm i fto mŏ Go wydać. Toż padoł: "Dyć skuli tego żech wōm pedzioł: Żŏdyn niy może prziś do Mie, jak mu to niy boło dane bez Ôjca."

Ôd tego czasu mocka Jego uczniōw ôdeszła ôd Niego i już s Nim niy chodziyli. Toż Jezus zapytoł Dwunastu: "Czy i wy kcecie pońść?"

Ôdpedzioł Mu Szymon Pyjter: "Pōnie, kaj pōdymy? Ty mŏsz słowa życiŏ wiecznego. A my uwierzyli i spokopiyli, że Tyś je Świynty Boży."

Ôstōńcie z Bogiym